Read Y Beibl Cymraeg Newydd, New Welsh Bible, 1988 Salmau 3 Bible Online

Salmau 3 - Y Beibl Cymraeg Newydd, New Welsh Bible, 1988 bible

Salmau 3

¹1 Salm. I Ddafydd, pan ffodd rhag ei fab Absalom.0 ARGLWYDD, mor lluosog yw fy ngwrthwynebwyr! Y mae llawer yn codi yn f'erbyn,

²a llawer yn dweud amdanaf, "Ni chaiff waredigaeth yn Nuw." Sela.

³Ond yr wyt ti, ARGLWYDD, yn darian i mi, yn ogoniant i mi ac yn fy nyrchafu.

⁴Gwaeddaf yn uchel ar yr ARGLWYDD, ac etyb fi o'i fynydd sanctaidd. Sela.

⁵Yr wyf yn gorwedd ac yn cysgu, ac yna'n deffro am fod yr ARGLWYDD yn fy nghynnal.

⁶Nid ofnwn pe bai myrddiwn o bobl yn ymosod arnaf o bob tu.

⁷Cyfod, ARGLWYDD; gwareda fi, O fy Nuw. Byddi'n taro fy holl elynion yn eu hwyneb, ac yn torri dannedd y drygionus.

⁸I'r ARGLWYDD y perthyn gwaredigaeth; bydded dy fendith ar dy bobl. Sela.