Read Y Beibl Cymraeg Newydd, New Welsh Bible, 1988 Salmau 43 Bible Online

Salmau 43 - Y Beibl Cymraeg Newydd, New Welsh Bible, 1988 bible

Salmau 43

¹Cymer fy mhlaid, O Dduw, ac amddiffyn fy achos rhag pobl annheyrngar; gwared fi rhag dynion twyllodrus ac anghyfiawn,

²oherwydd ti, O Dduw, yw fy amddiffyn. Pam y gwrthodaist fi? Pam y rhodiaf mewn galar, wedi fy ngorthrymu gan y gelyn?

³Anfon dy oleuni a'th wirionedd, bydded iddynt fy arwain, bydded iddynt fy nwyn i'th fynydd sanctaidd ac i'th drigfan.

⁴Yna dof at allor Duw, at Dduw fy llawenydd; llawenychaf a'th foliannu �'r delyn, O Dduw, fy Nuw.

⁵Mor ddarostyngedig wyt, fy enaid, ac mor gythryblus o'm mewn! Disgwyliaf wrth Dduw; oherwydd eto moliannaf ef, fy Ngwaredydd a'm Duw.