Read Y Beibl Cymraeg Newydd, New Welsh Bible, 1988 Salmau 47 Bible Online

Salmau 47 - Y Beibl Cymraeg Newydd, New Welsh Bible, 1988 bible

Salmau 47

¹1 I'r Cyfarwyddwr: i feibion Cora. Salm.0 Curwch ddwylo, yr holl bobloedd; rhowch wrogaeth i Dduw � chaneuon gorfoledd.

²Oherwydd y mae'r ARGLWYDD, y Goruchaf, yn ofnadwy, yn frenin mawr dros yr holl ddaear.

³Fe ddarostwng bobloedd odanom, a chenhedloedd o dan ein traed.

⁴Dewisodd ein hetifeddiaeth i ni, balchder Jacob, yr hwn a garodd. Sela.

⁵Esgynnodd Duw gyda bloedd, yr ARGLWYDD gyda sain utgorn.

⁶Canwch fawl i Dduw, canwch fawl; canwch fawl i'n brenin, canwch fawl.

⁷Y mae Duw yn frenin ar yr holl ddaear; canwch fawl yn gelfydd.

⁸Y mae Duw yn frenin ar y cenhedloedd, y mae'n eistedd ar ei orsedd sanctaidd.

⁹Y mae tywysogion y bobl wedi ymgynnull gyda phobl Duw Abraham; oherwydd eiddo Duw yw mawrion y ddaear � fe'i dyrchafwyd yn uchel iawn.