Read Y Beibl Cymraeg Newydd, New Welsh Bible, 1988 Salmau 7 Bible Online

Salmau 7 - Y Beibl Cymraeg Newydd, New Welsh Bible, 1988 bible

Salmau 7

¹1 Siggaion. I Ddafydd, a ganodd i'r ARGLWYDD ynglu375?n � Cus o Benjamin.0 O ARGLWYDD fy Nuw, ynot ti y llochesaf; gwared fi rhag fy holl erlidwyr, ac arbed fi,

²rhag iddynt fy llarpio fel llew, a'm darnio heb neb i'm gwaredu.

³O ARGLWYDD fy Nuw, os gwneuthum hyn � os oes twyll ar fy nwylo,

⁴os telais ddrwg am dda i'm cyfaill, ac ysbeilio fy ngwrthwynebwr heb achos �

⁵bydded i'm gelyn fy erlid a'm dal, bydded iddo sathru fy einioes i'r ddaear, a gosod f'anrhydedd yn y llwch. Sela.

⁶Saf i fyny, O ARGLWYDD, yn dy ddig; cyfod yn erbyn llid fy ngelynion; deffro, fy Nuw, i drefnu barn.

⁷Bydded i'r bobloedd ymgynnull o'th amgylch; eistedd dithau'n oruchel uwch eu pennau.

⁸O ARGLWYDD, sy'n barnu pobloedd, barna fi yn �l fy nghyfiawnder, O ARGLWYDD, ac yn �l y cywirdeb sydd ynof.

⁹Bydded diwedd ar ddrygioni'r drygionus, ond cadarnha di y cyfiawn, ti sy'n profi meddyliau a chalonnau, ti Dduw cyfiawn.

¹⁰Duw yw fy nharian, ef sy'n gwaredu'r cywir o galon.

¹¹Duw sydd farnwr cyfiawn, a Duw sy'n dedfrydu bob amser.

¹²Yn wir, y mae'r drygionus yn hogi ei gleddyf eto, yn plygu ei fwa ac yn ei wneud yn barod;

¹³y mae'n darparu ei arfau marwol, ac yn gwneud ei saethau'n danllyd.

¹⁴Y mae'n feichiog o ddrygioni, yn cenhedlu niwed ac yn geni twyll.

¹⁵Y mae'n cloddio pwll ac yn ei geibio, ac yn syrthio i'r twll a wnaeth.

¹⁶Fe ddychwel ei niwed arno ef ei hun, ac ar ei ben ef y disgyn ei drais.

¹⁷Diolchaf i'r ARGLWYDD am ei gyfiawnder, a chanaf fawl i enw'r ARGLWYDD Goruchaf.