Read Y Beibl Cymraeg Newydd, New Welsh Bible, 1988 Salmau 71 Bible Online

Salmau 71 - Y Beibl Cymraeg Newydd, New Welsh Bible, 1988 bible

Salmau 71

¹Ynot ti, ARGLWYDD, y ceisiais loches; na fydded cywilydd arnaf byth.

²Yn dy gyfiawnder gwared ac achub fi, tro dy glust ataf ac arbed fi.

³Bydd yn graig noddfa i mi, yn amddiffynfa i'm cadw, oherwydd ti yw fy nghraig a'm hamddiffynfa.

⁴O fy Nuw, gwared fi o law'r drygionus, o afael yr anghyfiawn a'r creulon.

⁵Oherwydd ti, Arglwydd, yw fy ngobaith, fy ymddiriedaeth o'm hieuenctid, O ARGLWYDD.

⁶Arnat ti y b�m yn pwyso o'm genedigaeth; ti a'm tynnodd allan o groth fy mam. Amdanat ti y bydd fy mawl yn wastad.

⁷B�m fel pe'n rhybudd i lawer; ond ti yw fy noddfa gadarn.

⁸Y mae fy ngenau'n llawn o'th foliant ac o'th ogoniant bob amser.

⁹Paid �'m bwrw ymaith yn amser henaint; paid �'m gadael pan fydd fy nerth yn pallu.

¹⁰Oherwydd y mae fy ngelynion yn siarad amdanaf, a'r rhai sy'n gwylio am fy einioes yn trafod gyda'i gilydd,

¹¹ac yn dweud, "Y mae Duw wedi ei adael; ewch ar ei �l a'i ddal, oherwydd nid oes gwaredydd."

¹²O Dduw, paid � phellhau oddi wrthyf; O fy Nuw, brysia i'm cynorthwyo.

¹³Doed cywilydd a gwarth ar fy ngwrthwynebwyr, a gwaradwydd yn orchudd dros y rhai sy'n ceisio fy nrygu.

¹⁴Ond byddaf fi'n disgwyl yn wastad, ac yn dy foli'n fwy ac yn fwy.

¹⁵Bydd fy ngenau'n mynegi dy gyfiawnder a'th weithredoedd achubol trwy'r amser, oherwydd ni wn eu nifer.

¹⁶Dechreuaf gyda'r gweithredoedd grymus, O Arglwydd DDUW; soniaf am dy gyfiawnder di yn unig.

¹⁷O Dduw, dysgaist fi o'm hieuenctid, ac yr wyf yn dal i gyhoeddi dy ryfeddodau;

¹⁸a hyd yn oed pan wyf yn hen a phenwyn, O Dduw, paid �'m gadael, nes imi fynegi dy rym i'r cenedlaethau sy'n codi.

¹⁹Y mae dy gryfder a'th gyfiawnder, O Dduw, yn cyrraedd i'r uchelder, oherwydd iti wneud pethau mawr. O Dduw, pwy sydd fel tydi?

²⁰Ti, a wnaeth imi weld cyfyngderau mawr a chwerw, fydd yn fy adfywio drachefn; ac o ddyfnderau'r ddaear fe'm dygi i fyny unwaith eto.

²¹Byddi'n ychwanegu at fy anrhydedd, ac yn troi i'm cysuro.

²²Byddaf finnau'n dy foliannu �'r nabl am dy ffyddlondeb, O fy Nuw; byddaf yn canu i ti �'r delyn, O Sanct Israel.

²³Bydd fy ngwefusau'n gweiddi'n llawen � oherwydd canaf i ti � a hefyd yr enaid a waredaist.

²⁴Bydd fy nhafod beunydd yn s�n am dy gyfiawnder; oherwydd daeth cywilydd a gwaradwydd ar y rhai a fu'n ceisio fy nrygu.