Read Y Beibl Cymraeg Newydd, New Welsh Bible, 1988 Salmau 76 Bible Online

Salmau 76 - Y Beibl Cymraeg Newydd, New Welsh Bible, 1988 bible

Salmau 76

¹1 I'r Cyfarwyddwr: ar offerynnau llinynnol. Salm. I Asaff. C�n.0 Y mae Duw'n adnabyddus yn Jwda, a'i enw'n fawr yn Israel;

²y mae ei babell wedi ei gosod yn Salem, a'i gartref yn Seion.

³Yno fe faluriodd y saethau tanllyd, y darian, y cleddyf a'r arfau rhyfel. Sela.

⁴Ofnadwy wyt ti, a chryfach na'r mynyddoedd tragwyddol.

⁵Ysbeiliwyd y rhai cryf o galon, y maent wedi suddo i gwsg, a phallodd nerth yr holl ryfelwyr.

⁶Gan dy gerydd di, O Dduw Jacob, syfrdanwyd y marchog a'r march.

⁷Ofnadwy wyt ti. Pwy a all sefyll o'th flaen pan fyddi'n ddig?

⁸Yr wyt wedi cyhoeddi dedfryd o'r nefoedd; ofnodd y ddaear a distewi

⁹pan gododd Duw i farnu, ac i waredu holl drueiniaid y ddaear. Sela.

¹⁰Bydd Edom, er ei ddig, yn dy foliannu, a gweddill Hamath yn cadw gu373?yl i ti.

¹¹Gwnewch eich addunedau i'r ARGLWYDD eich Duw, a'u talu; bydded i bawb o'i amgylch ddod � rhoddion i'r un ofnadwy.

¹²Y mae'n dryllio ysbryd tywysogion, ac yn arswyd i frenhinoedd y ddaear.