Read Y Beibl Cymraeg Newydd, New Welsh Bible, 1988 Salmau 85 Bible Online

Salmau 85 - Y Beibl Cymraeg Newydd, New Welsh Bible, 1988 bible

Salmau 85

¹1 I'r Cyfarwyddwr: i feibion Cora. Salm.0 O Arglwydd, buost drugarog wrth dy dir; adferaist lwyddiant i Jacob.

²Maddeuaist gamwedd dy bobl, a dileu eu holl bechod. Sela.

³Tynnaist dy holl ddigofaint yn �l, a throi oddi wrth dy lid mawr.

⁴Adfer ni eto, O Dduw ein hiachawdwriaeth, a rho heibio dy ddicter tuag atom.

⁵A fyddi'n digio wrthym am byth, ac yn dal dig atom am genedlaethau?

⁶Oni fyddi'n ein hadfywio eto, er mwyn i'th bobl lawenhau ynot?

⁷Dangos i ni dy ffyddlondeb, O ARGLWYDD, a rho dy waredigaeth inni.

⁸Bydded imi glywed yr hyn a lefara'r Arglwydd DDUW, oherwydd bydd yn cyhoeddi heddwch i'w bobl ac i'w ffyddloniaid, rhag iddynt droi drachefn at ffolineb.

⁹Yn wir, y mae ei waredigaeth yn agos at y rhai sy'n ei ofni, fel bod gogoniant yn aros yn ein tir.

¹⁰Bydd cariad a gwirionedd yn cyfarfod, a chyfiawnder a heddwch yn cusanu ei gilydd.

¹¹Bydd ffyddlondeb yn tarddu o'r ddaear, a chyfiawnder yn edrych i lawr o'r nefoedd.

¹²Bydd yr ARGLWYDD yn rhoi daioni, a'n tir yn rhoi ei gnwd.

¹³Bydd cyfiawnder yn mynd o'i flaen, a heddwch yn dilyn yn �l ei droed.