Read Y Beibl Cymraeg Newydd, New Welsh Bible, 1988 Salmau 90 Bible Online

Salmau 90 - Y Beibl Cymraeg Newydd, New Welsh Bible, 1988 bible

Salmau 90

¹1 Gweddi. I Moses, gu373?r Duw.0 Arglwydd, buost yn amddiffynfa i ni ymhob cenhedlaeth.

²Cyn geni'r mynyddoedd, a chyn esgor ar y ddaear a'r byd, o dragwyddoldeb hyd dragwyddoldeb, ti sydd Dduw.

³Yr wyt yn troi pobl yn �l i'r llwch, ac yn dweud, "Trowch yn �l, chwi feidrolion."

⁴Oherwydd y mae mil o flynyddoedd yn dy olwg fel doe sydd wedi mynd heibio, ac fel gwyliadwriaeth yn y nos.

⁵Yr wyt yn eu sgubo ymaith fel breuddwyd; y maent fel gwellt yn adfywio yn y bore �

⁶yn tyfu ac yn adfywio yn y bore, ond erbyn yr hwyr yn gwywo ac yn crino.

⁷Oherwydd yr ydym ni yn darfod gan dy ddig, ac wedi'n brawychu gan dy gynddaredd.

⁸Gosodaist ein camweddau o'th flaen, ein pechodau dirgel yng ngoleuni dy wyneb.

⁹Y mae ein holl ddyddiau'n mynd heibio dan dy ddig, a'n blynyddoedd yn darfod fel ochenaid.

¹⁰Deng mlynedd a thrigain yw blynyddoedd ein heinioes, neu efallai bedwar ugain trwy gryfder, ond y mae eu hyd yn faich ac yn flinder; �nt heibio yn fuan, ac ehedwn ymaith.

¹¹Pwy sy'n gwybod grym dy ddicter, a'th ddigofaint, fel y rhai sy'n dy ofni?

¹²Felly dysg ni i gyfrif ein dyddiau, inni gael calon ddoeth.

¹³Dychwel, O ARGLWYDD. Am ba hyd? Trugarha wrth dy weision.

¹⁴Digona ni yn y bore �'th gariad, inni gael gorfoleddu a llawenhau ein holl ddyddiau.

¹⁵Rho inni lawenydd gynifer o ddyddiau ag y blinaist ni, gynifer o flynyddoedd ag y gwelsom ddrygfyd.

¹⁶Bydded dy weithredoedd yn amlwg i'th weision, a'th ogoniant i'w plant.

¹⁷Bydded trugaredd yr Arglwydd ein Duw arnom; llwydda waith ein dwylo inni, llwydda waith ein dwylo.