Read Y Beibl Cymraeg Newydd, New Welsh Bible, 1988 Salmau 92 Bible Online

Salmau 92 - Y Beibl Cymraeg Newydd, New Welsh Bible, 1988 bible

Salmau 92

¹1 Salm. C�n. Ar gyfer y Saboth.0 Da yw moliannu'r ARGLWYDD, a chanu mawl i'th enw di, y Goruchaf,

²a chyhoeddi dy gariad yn y bore a'th ffyddlondeb bob nos,

³gyda'r dectant a'r nabl a chyda chordiau'r delyn.

⁴Oherwydd yr wyt ti, O ARGLWYDD, wedi fy llawenychu �'th waith; yr wyf yn gorfoleddu yng ngweithgarwch dy ddwylo.

⁵Mor fawr yw dy weithredoedd, O ARGLWYDD, a dwfn iawn dy feddyliau!

⁶Un dwl yw'r sawl sydd heb wybod, a ffu373?l yw'r un sydd heb ddeall hyn:

⁷er i'r annuwiol dyfu fel glaswellt ac i'r holl wneuthurwyr drygioni lwyddo, eu bod i'w dinistrio am byth,

⁸ond dy fod ti, ARGLWYDD, yn dragwyddol ddyrchafedig.

⁹Oherwydd wele, dy elynion, ARGLWYDD, wele, dy elynion a ddifethir, a'r holl wneuthurwyr drygioni a wasgerir.

¹⁰Codaist i fyny fy nghorn fel corn ych, ac eneiniaist fi ag olew croyw.

¹¹Ymhyfrydodd fy llygaid yng nghwymp fy ngelynion, a'm clustiau wrth glywed am y rhai drygionus a gododd yn f'erbyn.

¹²Y mae'r cyfiawn yn blodeuo fel palmwydd, ac yn tyfu fel cedrwydd Lebanon.

¹³Y maent wedi eu plannu yn nhu375?'r ARGLWYDD, ac yn blodeuo yng nghynteddau ein Duw.

¹⁴Rh�nt ffrwyth hyd yn oed mewn henaint, a pharh�nt yn wyrdd ac iraidd.

¹⁵Cyhoeddant fod yr ARGLWYDD yn uniawn, ac am fy nghraig, nad oes anghyfiawnder ynddo.