Read Y Beibl Cymraeg Newydd, New Welsh Bible, 1988 Salmau 94 Bible Online

Salmau 94 - Y Beibl Cymraeg Newydd, New Welsh Bible, 1988 bible

Salmau 94

¹O ARGLWYDD, Dduw dial, Dduw dial, ymddangos.

²Cyfod, O farnwr y ddaear, rho eu haeddiant i'r balch.

³Am ba hyd y bydd y drygionus, ARGLWYDD, y bydd y drygionus yn gorfoleddu?

⁴Y maent yn tywallt eu parabl trahaus; y mae'r holl wneuthurwyr drygioni'n ymfalch�o.

⁵Y maent yn sigo dy bobl, O ARGLWYDD, ac yn poenydio dy etifeddiaeth.

⁶Lladdant y weddw a'r estron, a llofruddio'r amddifad,

⁷a dweud, "Nid yw'r ARGLWYDD yn gweld, ac nid yw Duw Jacob yn sylwi."

⁸Deallwch hyn, chwi'r dylaf o bobl! Ffyliaid, pa bryd y byddwch ddoeth?

⁹Onid yw'r un a blannodd glust yn clywed, a'r un a luniodd lygad yn gweld?

¹⁰Onid oes gan yr un sy'n disgyblu cenhedloedd gerydd, a'r un sy'n dysgu pobl wybodaeth?

¹¹Y mae'r ARGLWYDD yn gwybod meddyliau pobl, mai gwynt ydynt.

¹²Gwyn ei fyd y sawl a ddisgybli, O ARGLWYDD, ac a ddysgi allan o'th gyfraith,

¹³i roi iddo lonyddwch rhag dyddiau adfyd, nes agor pwll i'r drygionus.

¹⁴Oherwydd nid yw'r ARGLWYDD yn gwrthod ei bobl, nac yn gadael ei etifeddiaeth;

¹⁵oherwydd dychwel barn at y rhai cyfiawn, a bydd yr holl rai uniawn yn ei dilyn.

¹⁶Pwy a saif drosof yn erbyn y drygionus, a sefyll o'm plaid yn erbyn gwneuthurwyr drygioni?

¹⁷Oni bai i'r ARGLWYDD fy nghynorthwyo byddwn yn fuan wedi mynd i dir distawrwydd.

¹⁸Pan oeddwn yn meddwl bod fy nhroed yn llithro, yr oedd dy ffyddlondeb di, O ARGLWYDD, yn fy nghynnal.

¹⁹Er bod pryderon fy nghalon yn niferus, y mae dy gysuron di'n fy llawenhau.

²⁰A fydd cynghrair rhyngot ti a llywodraeth distryw, sy'n cynllunio niwed trwy gyfraith?

²¹Cytunant �'i gilydd am fywyd y cyfiawn, a chondemnio'r dieuog i farw.

²²Ond y mae'r ARGLWYDD yn amddiffyn i mi, a'm Duw yn graig i'm llochesu.

²³Daw �'u camweddau eu hunain yn �l arnynt, ac fe'u diddyma am eu drygioni. Bydd yr ARGLWYDD ein Duw yn eu diddymu.