Read Y Beibl Cymraeg Newydd, New Welsh Bible, 1988 Salmau 95 Bible Online

Salmau 95 - Y Beibl Cymraeg Newydd, New Welsh Bible, 1988 bible

Salmau 95

¹Dewch, canwn yn llawen i'r ARGLWYDD, rhown floedd o orfoledd i graig ein hiachawdwriaeth.

²Down i'w bresenoldeb � diolch, gorfoleddwn ynddo � chaneuon mawl.

³Oherwydd Duw mawr yw'r ARGLWYDD, a brenin mawr goruwch yr holl dduwiau.

⁴Yn ei law ef y mae dyfnderau'r ddaear, ac eiddo ef yw uchelderau'r mynyddoedd.

⁵Eiddo ef yw'r m�r, ac ef a'i gwnaeth; ei ddwylo ef a greodd y sychdir.

⁶Dewch, addolwn ac ymgrymwn, plygwn ein gliniau gerbron yr ARGLWYDD a'n gwnaeth.

⁷Oherwydd ef yw ein Duw, a ninnau'n bobl iddo a defaid ei borfa; heddiw cewch wybod ei rym, os gwrandewch ar ei lais.

⁸Peidiwch � chaledu'ch calonnau, fel yn Meriba, fel ar ddiwrnod Massa yn yr anialwch,

⁹pan fu i'ch hynafiaid fy herio a'm profi, er iddynt weld fy ngwaith.

¹⁰Am ddeugain mlynedd y ffieiddiais y genhedlaeth honno, a dweud, "Pobl �'u calonnau'n cyfeiliorni ydynt, ac nid ydynt yn gwybod fy ffyrdd."

¹¹Felly tyngais yn fy nig na chaent ddyfod i'm gorffwysfa.