Read Y Beibl Cymraeg Newydd, New Welsh Bible, 1988 Salmau 97 Bible Online

Salmau 97 - Y Beibl Cymraeg Newydd, New Welsh Bible, 1988 bible

Salmau 97

¹Y mae'r ARGLWYDD yn frenin; gorfoledded y ddaear, bydded ynysoedd lawer yn llawen.

²Y mae cymylau a thywyllwch o'i amgylch, cyfiawnder a barn yn sylfaen i'w orsedd.

³Y mae t�n yn mynd o'i flaen, ac yn llosgi ei elynion oddi amgylch.

⁴Y mae ei fellt yn goleuo'r byd, a'r ddaear yn gweld ac yn crynu.

⁵Y mae'r mynyddoedd yn toddi fel cwyr o flaen yr ARGLWYDD, o flaen Arglwydd yr holl ddaear.

⁶Y mae'r nefoedd yn cyhoeddi ei gyfiawnder, a'r holl bobloedd yn gweld ei ogoniant.

⁷Bydded cywilydd ar yr holl addolwyr delwau sy'n ymffrostio mewn eilunod; ymgrymwch iddo ef, yr holl dduwiau.

⁸Clywodd Seion a llawenhau, ac yr oedd trefi Jwda yn gorfoleddu o achos dy farnedigaethau, O ARGLWYDD.

⁹Oherwydd yr wyt ti, ARGLWYDD, yn oruchaf dros yr holl ddaear; yr wyt wedi dy ddyrchafu'n uwch o lawer na'r holl dduwiau.

¹⁰Y mae'r ARGLWYDD yn caru'r rhai sy'n cas�u drygioni, y mae'n cadw bywydau ei ffyddloniaid, ac yn eu gwaredu o ddwylo'r drygionus.

¹¹Heuwyd goleuni ar y cyfiawn, a llawenydd ar yr uniawn o galon.

¹²Llawenhewch yn yr ARGLWYDD, rai cyfiawn, a moliannwch ei enw sanctaidd.