Read Y Beibl Cymraeg Newydd, New Welsh Bible, 1988 Diarhebion 1 Bible Online

Diarhebion 1 - Y Beibl Cymraeg Newydd, New Welsh Bible, 1988 bible

Diarhebion 1

¹Diarhebion Solomon fab Dafydd, brenin Israel �

²i gael doethineb ac addysg, i ddeall geiriau deallus,

³i dderbyn addysg fuddiol, cyfiawnder, barn, ac uniondeb,

⁴i roi craffter i'r gwirion, a gwybodaeth a synnwyr i'r ifanc.

⁵Y mae'r doeth yn gwrando ac yn cynyddu mewn dysg, a'r deallus yn ennill medrusrwydd,

⁶i ddeall dameg a'i dehongliad, dywediadau'r doeth a'u posau.

⁷Ofn yr ARGLWYDD yw dechrau gwybodaeth, ond y mae ffyliaid yn diystyru doethineb a disgyblaeth.

⁸Fy mab, gwrando ar addysg dy dad, paid � gwrthod cyfarwyddyd dy fam;

⁹bydd yn dorch brydferth ar dy ben, ac yn gadwyn am dy wddf.

¹⁰Fy mab, os hudir di gan bechaduriaid, paid � chytuno � hwy.

¹¹Fe ddywedant, "Tyrd gyda ni, inni gynllwynio i dywallt gwaed, a llechu'n ddiachos yn erbyn y diniwed;

¹²fel Sheol, llyncwn hwy'n fyw ac yn gyfan, fel rhai'n disgyn i'r pwll;

¹³fe gymerwn bob math ar gyfoeth, a llenwi ein tai ag ysbail;

¹⁴bwrw dy goelbren gyda ni, a bydd un pwrs rhyngom i gyd."

¹⁵Fy mab, paid � mynd yr un ffordd � hwy; cadw dy droed oddi ar eu llwybr.

¹⁶Oherwydd y mae eu traed yn rhuthro at ddrwg, ac yn prysuro i dywallt gwaed.

¹⁷Yn sicr, ofer yw gosod rhwyd yng ngolwg unrhyw aderyn hedegog.

¹⁸Am eu gwaed eu hunain y maent yn cynllwynio, ac yn llechu yn eu herbyn eu hunain.

¹⁹Dyma dynged pob un awchus am elw; y mae'n cymryd einioes y sawl a'i piau.

²⁰Y mae doethineb yn galw'n uchel yn y stryd, yn codi ei llais yn y sgw�r,

²¹yn gweiddi ar ben y muriau, yn traethu ei geiriau ym mynedfa pyrth y ddinas.

²²Chwi'r rhai gwirion, pa hyd y bodlonwch ar fod yn wirion, ac yr ymhyfryda'r gwatwarwyr mewn gwatwar, ac y cas� ffyliaid wybodaeth?

²³Os newidiwch eich ffyrdd dan fy ngherydd, tywalltaf fy ysbryd arnoch, a gwneud i chwi ddeall fy ngeiriau.

²⁴Ond am i mi alw, a chwithau heb ymateb, ac imi estyn fy llaw, heb neb yn gwrando;

²⁵am i chwi ddiystyru fy holl gyngor, a gwrthod fy ngherydd �

²⁶am hynny, chwarddaf ar eich dinistr, a gwawdio pan ddaw dychryn arnoch,

²⁷pan ddaw dychryn arnoch fel corwynt, a dinistr yn taro fel storm, pan ddaw adfyd a gwasgfa arnoch.

²⁸Yna galwant arnaf, ond nid atebaf; fe'm ceisiant yn ddyfal, ond heb fy nghael.

²⁹Oherwydd iddynt gas�u gwybodaeth, a throi oddi wrth ofn yr ARGLWYDD,

³⁰a gwrthod fy nghyngor, ac anwybyddu fy holl gerydd,

³¹c�nt fwyta o ffrwyth eu ffyrdd, a syrffedu ar eu cynlluniau.

³²Oherwydd bydd anufudd-dod y gwirion yn eu lladd, a difrawder y ffyliaid yn eu difa.

³³Ond bydd yr un a wrendy arnaf yn byw'n ddiogel, yn dawel heb ofni drwg.