Read Y Beibl Cymraeg Newydd, New Welsh Bible, 1988 Diarhebion 10 Bible Online

Diarhebion 10 - Y Beibl Cymraeg Newydd, New Welsh Bible, 1988 bible

Diarhebion 10

¹Dyma ddiarhebion Solomon: Y mae mab doeth yn gwneud ei dad yn llawen, ond mab ff�l yn dwyn gofid i'w fam.

²Nid oes elw o drysorau a gaed mewn drygioni, ond y mae cyfiawnder yn amddiffyn rhag marwolaeth.

³Nid yw'r ARGLWYDD yn gadael i'r cyfiawn newynu, ond y mae'n siomi chwant y rhai drwg.

⁴Y mae llaw segur yn dwyn tlodi, ond llaw ddiwyd yn peri cyfoeth.

⁵Y mae mab sy'n cywain yn yr haf yn ddeallus, ond un sy'n cysgu trwy'r cynhaeaf yn dod � chywilydd.

⁶Bendithion sy'n disgyn ar y cyfiawn, ond y mae genau'r drwg yn cuddio trais.

⁷Y mae cofio'r cyfiawn yn dwyn bendith, ond y mae enw'r drwg yn diflannu.

⁸Y mae'r doeth yn derbyn gorchymyn, ond y ff�l ei siarad yn cael ei ddifetha.

⁹Y mae'r un sy'n byw'n uniawn yn cerdded yn ddiogel, ond darostyngir yr un sy'n gwyrdroi ei ffyrdd.

¹⁰Y mae wincio �'r llygad yn achosi helbul, ond cerydd agored yn peri heddwch.

¹¹Ffynnon bywyd yw geiriau'r cyfiawn, ond y mae genau'r drwg yn cuddio trais.

¹²Y mae casineb yn achosi cynnen, ond y mae cariad yn cuddio pob trosedd.

¹³Ar wefusau'r deallus ceir doethineb, ond rhoddir gwialen ar gefn y disynnwyr.

¹⁴Y mae'r doeth yn trysori deall, ond dwyn dinistr yn agos a wna siarad ff�l.

¹⁵Golud y cyfoethog yw ei ddinas gadarn, ond dinistr y tlawd yw ei dlodi.

¹⁶Cyflog y cyfiawn yw bywyd, ond cynnyrch y drwg yw pechod.

¹⁷Y mae derbyn disgyblaeth yn arwain i fywyd, ond gwrthod cerydd yn arwain ar ddisberod.

¹⁸Y mae gwefusau twyllodrus yn anwesu casineb, a ff�l yw'r un sy'n enllibio.

¹⁹Pan amlheir geiriau nid oes ball ar dramgwyddo, ond y mae'r deallus yn atal ei eiriau.

²⁰Y mae tafod y cyfiawn fel arian dethol, ond diwerth yw calon yr un drwg.

²¹Y mae geiriau'r cyfiawn yn cynnal llawer, ond y mae ffyliaid yn marw o ddiffyg synnwyr.

²²Bendith yr ARGLWYDD sy'n rhoi cyfoeth, ac nid yw'n ychwanegu gofid gyda hi.

²³Gwneud anlladrwydd sy'n ddifyrrwch i'r ff�l, ond doethineb yw hyfrydwch y deallus.

²⁴Yr hyn a ofna a ddaw ar y drygionus, ond caiff y cyfiawn ei ddymuniad.

²⁵Ar �l y storm, ni bydd s�n am y drygionus, ond y mae sylfaen y cyfiawn yn dragwyddol.

²⁶Fel finegr i'r dannedd, neu fwg i'r llygaid, felly y mae'r diogyn i'w feistr.

²⁷Y mae ofn yr ARGLWYDD yn estyn dyddiau, ond mae blynyddoedd y rhai drygionus yn cael eu byrhau.

²⁸Y mae gobaith y cyfiawn yn troi'n llawenydd, ond derfydd gobaith y drygionus.

²⁹Y mae ffordd yr ARGLWYDD yn noddfa i'r uniawn, ond yn ddinistr i'r rhai a wna ddrwg.

³⁰Ni symudir y cyfiawn byth, ond nid erys y drygionus ar y ddaear.

³¹Y mae genau'r cyfiawn yn llefaru doethineb, ond torrir ymaith y tafod twyllodrus.

³²Gu373?yr gwefusau'r cyfiawn beth sy'n gymeradwy, ond twyllodrus yw genau'r drygionus.