Read Y Beibl Cymraeg Newydd, New Welsh Bible, 1988 Diarhebion 13 Bible Online

Diarhebion 13 - Y Beibl Cymraeg Newydd, New Welsh Bible, 1988 bible

Diarhebion 13

¹Y mae mab doeth yn derbyn disgyblaeth tad, ond ni wrendy gwatwarwr ar gerydd.

²Trwy ffrwyth ei enau y digonir pob un � daioni, ond awchu am drais y mae twyllwyr.

³Y mae'r un sy'n gwylio'i eiriau yn diogelu ei fywyd, ond ei ddinistrio'i hun y mae'r un sy'n siarad gormod.

⁴Y mae'r diogyn yn awchu, ac eto heb gael dim, ond y mae'r diwyd yn ffynnu.

⁵Y mae'r cyfiawn yn cas�u twyll, ond y mae'r drygionus yn gweithredu'n ffiaidd a gwarthus.

⁶Y mae cyfiawnder yn amddiffyn ffordd y cywir, ond drygioni yn dymchwel y pechadur.

⁷Rhydd ambell un yr argraff ei fod yn gyfoethog, a heb ddim ganddo; ymddengys arall yn dlawd, ac yntau'n gyfoethog iawn.

⁸Y pridwerth am fywyd pob un yw ei gyfoeth, ond ni chlyw'r tlawd fygythion.

⁹Disgleiria goleuni'r cyfiawn, ond diffydd lamp y drygionus.

¹⁰Y mae'r disynnwyr yn codi cynnen trwy ymffrostio, ond y mae doethineb gan y rhai sy'n derbyn cyngor.

¹¹Derfydd cyfoeth a gafwyd yn ddiymdrech, ond o'i gasglu bob yn dipyn fe gynydda.

¹²Y mae'r gobaith a oedir yn clafychu'r galon, ond y dymuniad a gyflawnir yn bren bywiol.

¹³Ei niweidio'i hun y mae'r un sy'n dirmygu cyngor, ond gwobrwyir yr un sy'n parchu gorchymyn.

¹⁴Y mae cyfarwyddyd y doeth yn ffynnon fywiol i arbed rhag maglau marwolaeth.

¹⁵Y mae deall da yn ennill ffafr, ond garw yw ffordd y twyllwyr.

¹⁶Y mae pawb call yn gweithredu'n ddeallus, ond y mae'r ff�l yn amlygu ffolineb.

¹⁷Y mae negesydd drwg yn achosi dinistr, ond cennad cywir yn dwyn lles.

¹⁸Tlodi a gwarth sydd i'r un sy'n anwybyddu disgyblaeth, ond anrhydeddir y sawl sy'n derbyn cerydd.

¹⁹Y mae dymuniad a gyflawnir yn felys ei flas, ond cas gan ffyliaid droi oddi wrth ddrwg.

²⁰Trwy rodio gyda'r doeth ceir doethineb, ond daw niwed o aros yng nghwmni ffyliaid.

²¹Y mae dinistr yn dilyn pechaduriaid, ond daioni yw gwobr y cyfiawn.

²²Gedy'r daionus etifeddiaeth i'w blant, ond rhoddir cyfoeth pechadur i'r cyfiawn.

²³Ceir digon o fwyd ym mraenar y tlodion, ond heb gyfiawnder fe ddiflanna.

²⁴Cas�u ei fab a wna'r un sy'n arbed y wialen, ond ei garu y mae'r sawl a rydd gerydd cyson.

²⁵Y mae'r cyfiawn yn bwyta hyd ddigon, ond gwag fydd bol y drygionus.