Read Y Beibl Cymraeg Newydd, New Welsh Bible, 1988 Diarhebion 15 Bible Online

Diarhebion 15 - Y Beibl Cymraeg Newydd, New Welsh Bible, 1988 bible

Diarhebion 15

¹Y mae ateb llednais yn dofi dig, ond gair garw yn cynnau llid.

²Y mae tafod y doeth yn clodfori deall, ond genau ffyliaid yn parablu ffolineb.

³Y mae llygaid yr ARGLWYDD ym mhob man, yn gwylio'r drwg a'r da.

⁴Y mae tafod tyner yn bren bywiol, ond tafod garw yn dryllio'r ysbryd.

⁵Diystyra'r ff�l ddisgyblaeth ei dad, ond deallus yw'r un a rydd sylw i gerydd.

⁶Y mae llawer o gyfoeth yn nhu375?'r cyfiawn, ond trallod sydd yn enillion y drygionus.

⁷Gwasgaru gwybodaeth y mae genau'r doeth, ond nid felly feddwl y ffyliaid.

⁸Ffiaidd gan yr ARGLWYDD yw aberth y drygionus, ond y mae gweddi'r uniawn wrth ei fodd.

⁹Ffiaidd gan yr ARGLWYDD yw ffordd y drygionus, ond y mae'n caru'r rhai sy'n dilyn cyfiawnder.

¹⁰Bydd disgyblaeth lem ar yr un sy'n gadael y ffordd, a bydd y sawl sy'n cas�u cerydd yn trengi.

¹¹Y mae Sheol ac Abadon dan lygad yr ARGLWYDD; pa faint mwy feddyliau pobl?

¹²Nid yw'r gwatwarwr yn hoffi cerydd; nid yw'n cyfeillachu �'r doethion.

¹³Y mae calon lawen yn sirioli'r wyneb, ond dryllir yr ysbryd gan boen meddwl.

¹⁴Y mae calon ddeallus yn ceisio gwybodaeth, ond y mae genau'r ffyliaid yn ymborthi ar ffolineb.

¹⁵I'r cystuddiol, y mae pob diwrnod yn flinderus, ond y mae calon hapus yn wledd wastadol.

¹⁶Gwell ychydig gydag ofn yr ARGLWYDD na chyfoeth mawr a thrallod gydag ef.

¹⁷Gwell yw pryd o lysiau lle mae cariad, nag ych pasgedig a chasineb gydag ef.

¹⁸Y mae un drwg ei dymer yn codi cynnen, ond y mae'r amyneddgar yn tawelu cweryl.

¹⁹Y mae ffordd y diog fel llwyn mieri, ond llwybr yr uniawn fel priffordd wastad.

²⁰Rhydd mab doeth lawenydd i'w dad, ond y mae'r ff�l yn dilorni ei fam.

²¹Y mae ffolineb yn ddifyrrwch i'r disynnwyr, ond y mae'r deallus yn cadw ffordd union.

²²Drysir cynlluniau pan nad oes ymgynghori, ond daw llwyddiant pan geir llawer o gynghorwyr.

²³Caiff rhywun foddhad pan fydd ganddo ateb, a beth sy'n well na gair yn ei bryd?

²⁴Y mae ffordd y bywyd yn dyrchafu'r deallus, i'w droi oddi wrth Sheol isod.

²⁵Y mae'r ARGLWYDD yn dymchwel tu375?'r balch, ond yn diogelu terfynau'r weddw.

²⁶Ffiaidd gan yr ARGLWYDD yw bwriadau drwg, ond y mae geiriau pur yn hyfrydwch iddo.

²⁷Y mae'r un sy'n awchu am elw yn creu anghydfod yn ei du375?, ond y sawl sy'n cas�u cil-dwrn yn cael bywyd.

²⁸Y mae'r cyfiawn yn ystyried cyn rhoi ateb, ond y mae genau'r drygionus yn parablu drwg.

²⁹Pell yw'r ARGLWYDD oddi wrth y drygionus, ond gwrendy ar weddi'r cyfiawn.

³⁰Y mae llygaid sy'n gloywi yn llawenhau'r galon, a newydd da yn adfywio'r corff.

³¹Y mae'r glust sy'n gwrando ar wersi bywyd yn aros yng nghwmni'r doeth.

³²Y mae'r un sy'n gwrthod disgyblaeth yn ei gas�u ei hun, ond y sawl sy'n gwrando ar gerydd yn berchen deall.

³³Y mae ofn yr ARGLWYDD yn ddisgyblaeth mewn doethineb, a gostyngeiddrwydd yn arwain i anrhydedd.