Read Y Beibl Cymraeg Newydd, New Welsh Bible, 1988 Diarhebion 18 Bible Online

Diarhebion 18 - Y Beibl Cymraeg Newydd, New Welsh Bible, 1988 bible

Diarhebion 18

¹Y mae'r un sy'n cadw ar wah�n yn ceisio cweryl, ac yn ymosod ar bob cynllun.

²Nid yw'r ynfyd yn ymhyfrydu mewn deall, dim ond mewn mynegi ei feddwl ei hun.

³Yn dilyn drygioni fe ddaw dirmyg, a gwarth ar �l amarch.

⁴Y mae geiriau yn ddyfroedd dyfnion, yn ffrwd yn byrlymu, yn ffynnon doethineb.

⁵Nid da yw dangos ffafr tuag at y drygionus, i amddifadu'r cyfiawn o farn.

⁶Y mae genau'r ynfyd yn arwain at gynnen, a'i eiriau yn gofyn am gurfa.

⁷Genau'r ynfyd yw ei ddinistr, ac y mae ei eiriau yn fagl iddo'i hun.

⁸Y mae geiriau'r straegar fel danteithion sy'n mynd i lawr i'r cylla.

⁹Y mae'r diog yn ei waith yn frawd i'r un sy'n dwyn dinistr.

¹⁰Y mae enw'r ARGLWYDD yn du373?r cadarn; rhed y cyfiawn ato ac y mae'n ddiogel.

¹¹Golud y cyfoethog yw ei ddinas gadarn, ac y mae fel mur cryf yn ei dyb ei hun.

¹²Cyn dyfod dinistr, y mae'r galon yn falch, ond daw gostyngeiddrwydd o flaen anrhydedd.

¹³Y mae'r un sy'n ateb cyn gwrando yn dangos ffolineb ac amarch.

¹⁴Gall ysbryd rhywun ei gynnal yn ei afiechyd, ond os yw'r ysbryd yn isel, pwy a'i cwyd?

¹⁵Y mae meddwl deallus yn ennill gwybodaeth, a chlust y doeth yn chwilio am ddeall.

¹⁶Y mae rhodd rhywun yn agor drysau iddo, ac yn ei arwain at y mawrion.

¹⁷Y mae'r cyntaf i ddadlau ei achos yn ymddangos yn gyfiawn, nes y daw ei wrthwynebwr a'i groesholi.

¹⁸Rhydd y coelbren derfyn ar gwerylon, ac y mae'n dyfarnu rhwng y cedyrn.

¹⁹Y mae brawd a dramgwyddwyd fel caer gadarn, a chwerylon fel bollt castell.

²⁰O ffrwyth ei enau y digonir cylla pob un, a chynnyrch ei wefusau sy'n ei ddiwallu.

²¹Y mae'r tafod yn gallu rhoi marwolaeth neu fywyd, ac y mae'r rhai sy'n ei hoffi yn bwyta'i ffrwyth.

²²Y sawl sy'n cael gwraig sy'n cael daioni ac yn ennill ffafr gan yr ARGLWYDD.

²³Y mae'r tlawd yn siarad yn ymbilgar, ond y cyfoethog yn ateb yn arw.

²⁴Honni eu bod yn gyfeillion a wna rhai; ond ceir hefyd gyfaill sy'n glynu'n well na brawd.