Read Y Beibl Cymraeg Newydd, New Welsh Bible, 1988 Diarhebion 21 Bible Online

Diarhebion 21 - Y Beibl Cymraeg Newydd, New Welsh Bible, 1988 bible

Diarhebion 21

¹Y mae calon brenin yn llaw'r ARGLWYDD fel ffrwd o ddu373?r; fe'i try i ble bynnag y dymuna.

²Y mae ffyrdd pob un i gyd yn uniawn yn ei olwg ei hun, ond y mae'r ARGLWYDD yn cloriannu'r galon.

³Y mae gwneud cyfiawnder a barn yn fwy derbyniol gan yr ARGLWYDD nag aberth.

⁴Llygaid balch a chalon ymffrostgar, dyma nodau'r drygionus, ac y maent yn bechod.

⁵Y mae cynlluniau'r diwyd yn sicr o arwain i ddigonedd, ond daw angen ar bob un sydd mewn brys.

⁶Y mae trysorau wedi eu hennill trwy gelwydd fel tarth yn diflannu neu fagl marwolaeth.

⁷Rhwydir y rhai drygionus gan eu trais, am iddynt wrthod gwneud yr hyn sydd uniawn.

⁸Troellog yw ffordd y troseddwr, ond uniawn yw gweithred y didwyll.

⁹Gwell yw byw mewn congl ar ben tu375? na rhannu cartref gyda gwraig gecrus.

¹⁰Y mae'r drygionus yn awchu am wneud drwg; nid yw'n edrych yn drugarog ar ei gymydog.

¹¹Pan gosbir gwatwarwr, daw'r gwirion yn ddoeth; ond pan ddysgir gwers i'r doeth, daw ef ei hun i ddeall.

¹²Y mae'r Un Cyfiawn yn sylwi ar du375?'r drygionus; y mae'n bwrw'r rhai drwg i ddinistr.

¹³Os bydd rhywun yn fyddar i gri'r tlawd, ni chaiff ei ateb pan fydd yntau'n galw.

¹⁴Y mae rhodd ddirgel yn lliniaru dig, a chil-dwrn dan glogyn yn tawelu llid mawr.

¹⁵Caiff y cyfiawn lawenydd wrth wneud cyfiawnder, ond daw dinistr ar y rhai sy'n gwneud drwg.

¹⁶Bydd rhywun sy'n troi oddi ar ffordd deall yn gorffwys yng nghwmni'r meirw.

¹⁷Mewn angen y bydd y sawl sy'n caru pleser, ac ni ddaw'r sawl sy'n hoffi gwin ac olew yn gyfoethog.

¹⁸Y mae'r drygionus yn bridwerth dros y cyfiawn, a'r twyllwr dros y rhai uniawn.

¹⁹Gwell byw mewn anialwch na chyda gwraig gecrus a dicllon.

²⁰Yn nhu375?'r doeth y mae trysor dymunol ac olew, ond y mae'r ff�l yn eu difa.

²¹Y mae'r sawl sy'n dilyn cyfiawnder a theyrngarwch yn cael bywyd llwyddiannus ac anrhydedd.

²²Y mae'r doeth yn gallu mynd i ddinas gadarn a bwrw i lawr y gaer yr ymddiriedir ynddi.

²³Y sawl sy'n gwylio ei enau a'i dafod, fe'i ceidw ei hun rhag gofidiau.

²⁴Y mae'r balch yn ffroenuchel; gwatwarwr yw ei enw, gweithreda yn gwbl drahaus.

²⁵Y mae blys y diog yn ei ladd, am fod ei ddwylo'n gwrthod gweithio.

²⁶Trachwantu y mae'r annuwiol bob amser, ond y mae'r cyfiawn yn rhoi heb arbed.

²⁷Ffiaidd yw aberth y drygionus, yn enwedig pan offrymir ef mewn dichell.

²⁸Difethir y tyst celwyddog, ond y mae'r tyst cywir yn cael llefaru.

²⁹Y mae'r drygionus yn caledu ei wyneb, ond yr uniawn yn trefnu ei ffyrdd.

³⁰Nid yw doethineb na deall na chyngor yn ddim o flaen yr ARGLWYDD.

³¹Er paratoi march ar gyfer dydd brwydr, eto eiddo'r ARGLWYDD yw'r fuddugoliaeth.