Read Y Beibl Cymraeg Newydd, New Welsh Bible, 1988 Diarhebion 22 Bible Online

Diarhebion 22 - Y Beibl Cymraeg Newydd, New Welsh Bible, 1988 bible

Diarhebion 22

¹Mwy dymunol yw enw da na chyfoeth lawer, a gwell yw parch nag arian ac aur.

²Y mae un peth yn gyffredin i gyfoethog a thlawd: yr ARGLWYDD a'u creodd ill dau.

³Y mae'r craff yn gweld perygl ac yn ei osgoi, ond y gwirion yn mynd rhagddo ac yn talu am hynny.

⁴Gwobr gostyngeiddrwydd ac ofn yr ARGLWYDD yw cyfoeth, anrhydedd a bywyd.

⁵Y mae drain a maglau ar ffordd y gwrthnysig, ond y mae'r un gwyliadwrus yn cadw draw oddi wrthynt.

⁶Hyffordda blentyn ar ddechrau ei daith, ac ni thry oddi wrthi pan heneiddia.

⁷Y mae'r cyfoethog yn rheoli'r tlawd, ac y mae'r benthyciwr yn was i'r echwynnwr.

⁸Y mae'r un sy'n hau anghyfiawnder yn medi gofid, a bydd gwialen ei ymffrost yn methu.

⁹Bendithir yr un hael am ei fod yn rhannu ei fara i'r tlawd.

¹⁰Bwrw allan y gwatwarwr, a cheir terfyn ar ymryson, a diwedd ar ddadlau a gwawd.

¹¹Yr un sy'n hoffi purdeb meddwl a geiriau grasol, y mae ef yn gyfaill i frenin.

¹²Y mae llygaid yr ARGLWYDD yn gwarchod deall, ond y mae ef yn dymchwel geiriau twyllwr.

¹³Dywed y diog, "Y mae llew y tu allan; fe'm lleddir yn y stryd."

¹⁴Y mae genau'r wraig ddieithr fel pwll dwfn; y mae'r un a ddigiodd yr ARGLWYDD yn syrthio iddo.

¹⁵Y mae ffolineb ynghlwm wrth feddwl plentyn, ond y mae gwialen disgyblaeth yn ei yrru oddi wrtho.

¹⁶Y sawl sy'n gorthrymu'r tlawd i geisio elw iddo'i hun, ac yn rhoi i'r cyfoethog, bydd hwnnw'n diweddu mewn angen.

¹⁷Rho sylw, a gwrando ar eiriau'r doethion, a gosod dy feddwl ar fy neall;

¹⁸oherwydd y mae'n werth iti eu cadw yn dy galon, ac iddynt oll gael eu sicrhau ar dy wefusau.

¹⁹Er mwyn i ti roi dy hyder yn yr ARGLWYDD yr wyf yn eu dysgu iti heddiw � ie, i ti!

²⁰Onid wyf wedi ysgrifennu iti ddeg ar hugain o ddywediadau, yn llawn cyngor a deall,

²¹i ddysgu iti wirionedd geiriau cywir, fel y gelli roi ateb cywir i'r rhai a'th anfonodd?

²²Paid ag ysbeilio'r tlawd am ei fod yn dlawd, a phaid � sathru'r anghenus yn y porth;

²³oherwydd bydd yr ARGLWYDD yn dadlau eu hachos, ac yn difetha'r rhai sy'n eu difetha hwy.

²⁴Paid � chyfeillachu � neb a chanddo dymer ddrwg, nac aros yng nghwmni'r dicllon,

²⁵rhag iti ddysgu ei ffordd, a'th gael dy hun mewn magl.

²⁶Paid � rhoi gwystl, a mynd yn feichiau am ddyledion;

²⁷os na fydd gennyt ddim i dalu, oni chymerir dy wely oddi arnat?

²⁸Paid � symud yr hen derfynau a osodwyd gan dy hynafiaid.

²⁹Gwelaist un medrus yn ei waith; bydd yn gwasanaethu brenhinoedd, ond ni fydd yn gwasanaethu pobl ddibwys.