Read Y Beibl Cymraeg Newydd, New Welsh Bible, 1988 Diarhebion 23 Bible Online

Diarhebion 23 - Y Beibl Cymraeg Newydd, New Welsh Bible, 1988 bible

Diarhebion 23

¹Pan eisteddi i fwyta gyda llywodraethwr, rho sylw manwl i'r hyn sydd o'th flaen,

²a gosod gyllell at dy wddf os wyt yn un blysig.

³Paid � chwennych ei ddanteithion, oherwydd bwyd sy'n twyllo ydyw.

⁴Paid �'th flino dy hun i ennill cyfoeth; bydd yn ddigon synhwyrol i ymatal.

⁵Os tynni dy lygaid oddi arno, y mae'n diflannu, oherwydd y mae'n magu adenydd, fel eryr yn hedfan i'r awyr.

⁶Paid � bwyta gyda neb cybyddlyd, na chwennych ei ddanteithion,

⁷oherwydd bydd hynny fel blewyn yn ei lwnc; bydd yn dweud wrthyt, "Bwyta ac yf", ond ni fydd yn meddwl hynny.

⁸Byddi'n chwydu'r tameidiau a fwyteaist, ac yn gwastraffu dy ganmoliaeth.

⁹Paid � llefaru yng nghlyw'r ffu373?l, oherwydd bydd yn dirmygu synnwyr dy eiriau.

¹⁰Paid � symud yr hen derfynau, na chymryd meddiant o diroedd yr amddifaid;

¹¹oherwydd y mae eu Gwaredwr yn gryf, a bydd yn amddiffyn eu hachos yn dy erbyn.

¹²Gosod dy feddwl ar gyfarwyddyd, a'th glust ar eiriau deall.

¹³Paid ag atal disgyblaeth oddi wrth blentyn; os byddi'n ei guro � gwialen, ni fydd yn marw.

¹⁴Os byddi'n ei guro � gwialen, byddi'n achub ei fywyd o Sheol.

¹⁵Fy mab, os bydd dy galon yn ddoeth, bydd fy nghalon innau yn llawen.

¹⁶Byddaf yn llawenhau drwof i gyd pan fydd dy enau yn llefaru'n uniawn.

¹⁷Paid � chenfigennu wrth bechaduriaid, ond wrth y rhai sy'n ofni'r ARGLWYDD bob amser;

¹⁸os felly, bydd dyfodol iti, ac ni thorrir ymaith dy obaith.

¹⁹Fy mab, gwrando a bydd ddoeth, a gosod dy feddwl ar y ffordd iawn.

²⁰Paid � chyfathrachu �'r rhai sy'n yfed gwin, nac ychwaith �'r rhai glwth;

²¹oherwydd bydd y diotwr a'r glwth yn mynd yn dlawd, a bydd syrthni'n eu gwisgo mewn carpiau.

²²Gwrando ar dy dad, a'th genhedlodd, a phaid � dirmygu dy fam pan fydd yn hen.

²³Pryn wirionedd, a phaid �'i werthu; pryn ddoethineb, cyfarwyddyd a deall.

²⁴Bydd rhieni'r cyfiawn yn llawen iawn, a'r rhai a genhedlodd y doeth yn ymhyfrydu ynddo.

²⁵Bydded i'th dad a'th fam gael llawenydd, ac i'r un a esgorodd arnat gael hyfrydwch.

²⁶Fy mab, dal sylw arnaf, a bydded i'th lygaid ymhyfrydu yn fy ffyrdd.

²⁷Y mae'r butain fel pwll dwfn, a'r ddynes estron fel pydew cul;

²⁸y mae'n llercian fel lleidr, ac yn amlhau'r godinebwyr ymysg dynion.

²⁹Pwy sy'n cael gwae? Pwy sy'n cael gofid? Pwy sy'n cael ymryson a chu373?yn? Pwy sy'n cael poen yn ddiachos, a chochni llygaid?

³⁰Y rhai sy'n oedi uwchben gwin, ac yn dod i brofi gwin wedi ei gymysgu.

³¹Paid ag edrych ar win pan yw'n goch, pan yw'n pefrio yn y cwpan, ac yn mynd i lawr yn esmwyth.

³²Yn y diwedd bydd yn brathu fel sarff, ac yn pigo fel gwiber.

³³Bydd dy lygaid yn gweld pethau rhyfedd, a'th feddwl yn mynegi pethau cymysg.

³⁴Byddi fel un yn mynd i'w wely yng nghanol y m�r, fel un yn gorwedd ar ben yr hwylbren.

³⁵Byddi'n dweud, "Y maent yn fy nharo, ond nid wyf yn teimlo briw; y maent yn fy nghernodio, ond ni wn hynny. Pa bryd y deffroaf, imi geisio cael diod eto?"