Read Y Beibl Cymraeg Newydd, New Welsh Bible, 1988 Diarhebion 29 Bible Online

Diarhebion 29 - Y Beibl Cymraeg Newydd, New Welsh Bible, 1988 bible

Diarhebion 29

¹Bydd un sy'n ystyfnigo trwy ei geryddu'n fynych yn cael ei ddryllio'n sydyn heb fodd i'w adfer.

²Pan fydd y cyfiawn yn llywodraethu, llawenha'r bobl, ond pan fydd y drygionus yn rheoli, bydd y bobl yn griddfan.

³Y mae'r un sy'n caru doethineb yn rhoi llawenydd i'w dad, ond y mae'r un sy'n cyfeillachu � phuteiniaid yn gwastraffu ei eiddo.

⁴Y mae brenin yn rhoi cadernid i wlad trwy gyfiawnder, ond y mae'r un sy'n codi trethi yn ei difa.

⁵Y mae'r sawl sy'n gwenieithio wrth ei gyfaill yn taenu rhwyd i'w draed.

⁶Rhwydir y drygionus gan gamwedd, ond y mae'r cyfiawn yn canu'n llawen.

⁷Y mae'r cyfiawn yn gwybod hawliau'r tlodion, ond nid yw'r drygionus yn ystyried deall.

⁸Y mae'r gwatwarwyr yn creu cyffro mewn dinas, ond y mae'r doethion yn tawelu dicter.

⁹Os � un doeth i gyfraith � ffu373?l, bydd y ffu373?l yn cythruddo ac yn gwawdio, ac ni cheir llonyddwch.

¹⁰Y mae rhai gwaedlyd yn cas�u'r un cywir, ond y mae'r rhai cyfiawn yn diogelu ei fywyd.

¹¹Y mae'r ffu373?l yn arllwys ei holl ddig, ond y mae'r doeth yn ei gadw dan reolaeth.

¹²Os yw llywodraethwr yn gwrando ar gelwydd, bydd ei holl weision yn ddrygionus.

¹³Y mae hyn yn gyffredin i'r tlawd a'r gormeswr: yr ARGLWYDD sy'n goleuo llygaid y ddau.

¹⁴Os yw brenin yn barnu'r tlodion yn gywir, yna fe sefydlir ei orsedd am byth.

¹⁵Y mae gwialen a cherydd yn rhoi doethineb, ond y mae plentyn afreolus yn dwyn gwarth ar ei fam.

¹⁶Pan amlha'r drygionus, bydd camwedd yn cynyddu, ond bydd y cyfiawn yn edrych ar eu cwymp.

¹⁷Disgybla dy fab, a daw � chysur iti, a rhydd lawenydd iti yn dy fywyd.

¹⁸Lle na cheir gweledigaeth, bydd y bobl ar chw�l; ond gwyn ei fyd y sawl sy'n cadw'r gyfraith.

¹⁹Nid � geiriau yn unig y disgyblir gwas; er iddo ddeall, nid yw'n ymateb.

²⁰Fe welaist un sy'n eiddgar i siarad; y mae mwy o obaith i'r ffu373?l nag iddo ef.

²¹Wrth faldodi gwas o'i lencyndod, bydd yn troi'n anniolchgar yn y diwedd.

²²Codi cynnen y mae rhywun cas, ac un dicllon yn ychwanegu camwedd.

²³Y mae balchder unrhyw un yn ei ddarostwng, ond y mae'r gostyngedig yn cael anrhydedd.

²⁴Gelyn iddo'i hun yw'r sawl sy'n rhannu � lleidr; y mae'n clywed y felltith, ond heb ddweud dim.

²⁵Magl yw ofni pobl, ond diogel yw'r un sy'n ymddiried yn yr ARGLWYDD.

²⁶Y mae llawer yn ceisio ffafr llywodraethwr, ond oddi wrth yr ARGLWYDD y daw cyfiawnder.

²⁷Y mae'r cyfiawn yn ffieiddio'r anghyfiawn, a'r drygionus yn ffieiddio'r uniawn ei ffordd.