Read Y Beibl Cymraeg Newydd, New Welsh Bible, 1988 Diarhebion 31 Bible Online

Diarhebion 31 - Y Beibl Cymraeg Newydd, New Welsh Bible, 1988 bible

Diarhebion 31

¹Geiriau Lemuel brenin Massa, y rhai a ddysgodd ei fam iddo:

²Beth yw hyn, fy mab, mab fy nghroth? Beth yw hyn, mab fy addunedau?

³Paid � threulio dy nerth gyda merched, na'th fywyd gyda'r rhai sy'n dinistrio brenhinoedd.

⁴Nid gweddus i frenhinoedd, O Lemuel, nid gweddus i frenhinoedd yfed gwin, ac nid gweddus i reolwyr flysio diod gadarn,

⁵rhag iddynt yfed, ac anghofio'r hyn a ddeddfwyd, a gwyrdroi achos y rhai gorthrymedig i gyd.

⁶Rhowch ddiod gadarn i'r un sydd ar ddarfod, a gwin i'r chwerw ei ysbryd;

⁷c�nt hwy yfed ac anghofio'u tlodi, a pheidio � chofio'u gofid byth mwy.

⁸Dadlau o blaid y mud, a thros achos yr holl rai diobaith.

⁹Siarad yn eglur, a rho farn gyfiawn; cefnoga achos yr anghenus a'r tlawd.

¹⁰Pwy a all ddod o hyd i wraig fedrus? Y mae hi'n fwy gwerthfawr na gemau.

¹¹Y mae calon ei gu373?r yn ymddiried ynddi, ac ni fydd pall ar ei henillion.

¹²Y mae'n gwneud daioni iddo yn hytrach na cholled, a hynny ar hyd ei hoes.

¹³Y mae'n ceisio gwl�n a llin, ac yn cael pleser o weithio �'i dwylo.

¹⁴Y mae, fel llongau masnachwr, yn dwyn ei hymborth o bell.

¹⁵Y mae'n codi cyn iddi ddyddio, yn darparu bwyd i'w thylwyth, ac yn trefnu gorchwylion ei morynion.

¹⁶Ar �l ystyried yn fanwl, y mae'n prynu maes, ac yn plannu gwinllan �'i henillion.

¹⁷Y mae'n gwregysu ei llwynau � nerth, ac yn dangos mor gryf yw ei breichiau.

¹⁸Y mae'n sicrhau bod ei busnes yn broffidiol, ac ni fydd ei lamp yn diffodd trwy'r nos.

¹⁹Y mae'n gosod ei llaw ar y cogail, a'i dwylo'n gafael yn y werthyd.

²⁰Y mae'n estyn ei llaw i'r anghenus, a'i dwylo i'r tlawd.

²¹Nid yw'n pryderu am ei thylwyth pan ddaw eira, oherwydd byddant i gyd wedi eu dilladu'n glyd.

²²Y mae'n gwneud cwrlidau iddi ei hun, ac y mae ei gwisg o liain main a phorffor.

²³Y mae ei gu373?r yn adnabyddus yn y pyrth, pan yw'n eistedd gyda henuriaid yr ardal.

²⁴Y mae'n gwneud gwisgoedd o liain ac yn eu gwerthu, ac yn darparu gwregysau i'r masnachwr.

²⁵Y mae wedi ei gwisgo � nerth ac anrhydedd, ac yn wynebu'r dyfodol dan chwerthin.

²⁶Y mae'n siarad yn ddoeth, a cheir cyfarwyddyd caredig ar ei thafod.

²⁷Y mae'n cadw golwg ar yr hyn sy'n digwydd i'w theulu, ac nid yw'n bwyta bara segurdod.

²⁸Y mae ei phlant yn tyfu ac yn ei bendithio; a bydd ei gu373?r yn ei chanmol:

²⁹Y mae llawer o ferched wedi gweithio'n fedrus, ond yr wyt ti'n rhagori arnynt i gyd."

³⁰Y mae tegwch yn twyllo, a phrydferthwch yn darfod, ond y wraig sy'n ofni'r ARGLWYDD, y mae hon i'w chanmol.

³¹Rhowch iddi o ffrwyth ei dwylo, a bydded i'w gwaith ei chanmol yn y pyrth.