Read Y Beibl Cymraeg Newydd, New Welsh Bible, 1988 Pregethwr 1 Bible Online

Pregethwr 1 - Y Beibl Cymraeg Newydd, New Welsh Bible, 1988 bible

Pregethwr 1

¹Geiriau'r Pregethwr, mab Dafydd, brenin yn Jerwsalem:

²Gwagedd llwyr," meddai'r Pregethwr, "gwagedd llwyr yw'r cyfan."

³Pa elw sydd i neb yn ei holl lafur, wrth iddo ymlafnio dan yr haul?

⁴Y mae cenhedlaeth yn mynd, ac un arall yn dod, ond y mae'r ddaear yn aros am byth.

⁵Y mae'r haul yn codi ac yn machlud, ac yn brysio'n �l i'r lle y cododd.

⁶Y mae'r gwynt yn chwythu i'r de, ac yna'n troi i'r gogledd; y mae'r gwynt yn troelli'n barhaus, ac yn dod yn �l i'w gwrs.

⁷Y mae'r holl nentydd yn rhedeg i'r m�r, ond nid yw'r m�r byth yn llenwi; y mae'r nentydd yn mynd yn �l i'w tarddle, ac yna'n llifo allan eto.

⁸Y mae pob peth mor flinderus fel na all neb ei fynegi; ni ddigonir y llygad trwy edrych, na'r glust trwy glywed.

⁹Yr hyn a fu a fydd, a'r hyn a wnaed a wneir; nid oes dim newydd dan yr haul.

¹⁰A oes unrhyw beth y gellir dweud amdano, "Edrych, dyma beth newydd"? Y mae'r cyfan yn bod ers amser maith, y mae'n bod o'n blaenau ni.

¹¹Ni chofir am y rhai a fu, nac ychwaith am y rhai a ddaw ar eu h�l; ni chofir amdanynt gan y rhai a fydd yn eu dilyn.

¹²Yr oeddwn i, y Pregethwr, yn frenin ar Israel yn Jerwsalem.

¹³Rhoddais fy mryd ar astudio a chwilio, trwy ddoethineb, y cyfan sy'n digwydd dan y nef. Gorchwyl diflas yw'r un a roddodd Duw i bobl ymboeni yn ei gylch.

¹⁴Gwelais yr holl bethau a ddig-wyddodd dan yr haul, ac yn wir nid yw'r cyfan ond gwagedd ac ymlid gwynt.

¹⁵Ni ellir unioni yr hyn sydd gam, na chyfrif yr hyn sydd ar goll.

¹⁶Dywedais wrthyf fy hun, "Llwyddais i ennill mwy o ddoethineb nag unrhyw frenin o'm blaen yn Jerwsalem; cefais brofi llawer o ddoethineb a gwybodaeth."

¹⁷Rhoddais fy mryd ar ddeall doethineb a gwybodaeth, ynfydrwydd a ffolineb, a chanf�m nad oedd hyn ond ymlid gwynt.

¹⁸Oherwydd y mae cynyddu doethineb yn cynyddu gofid, ac ychwanegu gwybodaeth yn ychwanegu poen.