Read Y Beibl Cymraeg Newydd, New Welsh Bible, 1988 Galarnad 5 Bible Online

Galarnad 5 - Y Beibl Cymraeg Newydd, New Welsh Bible, 1988 bible

Galarnad 5

¹Cofia, O ARGLWYDD, beth ddigwyddodd inni; edrych a gw�l ein gwarth.

²Rhoddwyd ein hetifeddiaeth i estroniaid, a'n tai i ddieithriaid.

³Yr ydym fel rhai amddifad, heb dadau, a'n mamau fel gweddwon.

⁴Y mae'n rhaid inni dalu am y du373?r a yfwn, a phrynu'r coed a gawn.

⁵Y mae iau ar ein gwarrau, ac fe'n gorthrymir; yr ydym wedi blino, ac ni chawn orffwys.

⁶Gwnaethom gytundeb �'r Aifft, ac yna ag Asyria, i gael digon o fwyd.

⁷Pechodd ein tadau, ond nid ydynt mwyach; ni sy'n dwyn y baich am eu camweddau.

⁸Caethweision sy'n llywodraethu arnom, ac nid oes neb i'n hachub o'u gafael.

⁹Yr ydym yn peryglu'n heinioes wrth gyrchu bwyd, oherwydd y cleddyf yn yr anialwch.

¹⁰Y mae ein croen wedi duo fel ffwrn oherwydd y dwymyn a achosir gan newyn.

¹¹Treisir gwragedd yn Seion, a merched ifainc yn ninasoedd Jwda.

¹²Crogir llywodraethwyr gerfydd eu dwylo, ac ni pherchir yr henuriaid.

¹³Y mae'r dynion ifainc yn llafurio �'r maen melin, a'r llanciau'n baglu dan bwysau'r coed.

¹⁴Gadawodd yr henuriaid y porth, a'r gwu375?r ifainc eu cerddoriaeth.

¹⁵Diflannodd llawenydd o'n calonnau, a throdd ein dawnsio yn alar.

¹⁶Syrthiodd y goron oddi ar ein pen; gwae ni, oherwydd pechasom.

¹⁷Dyma pam y mae ein calon yn gystuddiol, ac oherwydd hyn y pylodd ein llygaid:

¹⁸am fod Mynydd Seion wedi mynd yn ddiffeithwch, a'r siacaliaid yn prowla yno am ysglyfaeth.

¹⁹Yr wyt ti, O ARGLWYDD, wedi dy orseddu am byth, ac y mae dy orsedd o genhedlaeth i genhedlaeth.

²⁰Pam yr wyt yn ein hanghofio o hyd, ac wedi'n gwrthod am amser mor faith?

²¹ARGLWYDD, tyn ni'n �l atat, ac fe ddychwelwn; adnewydda ein dyddiau fel yn yr amser a fu,

²²os nad wyt wedi'n gwrthod yn llwyr, ac yn ddig iawn wrthym.