Read Y Beibl Cymraeg Newydd, New Welsh Bible, 1988 Numeri 1 Bible Online

Numeri 1 - Y Beibl Cymraeg Newydd, New Welsh Bible, 1988 bible

Numeri 1

¹Ar y dydd cyntaf o'r ail fis yn yr ail flwyddyn wedi i'r Israeliaid ddod allan o wlad yr Aifft, llefarodd yr ARGLWYDD wrth Moses ym mhabell y cyfarfod yn anialwch Sinai, a dweud,

²Gwnewch gyfrifiad o holl gynulliad pobl Israel yn �l eu tylwythau a'u teuluoedd, gan restru enw pob gwryw fesul un.

³Yr wyt ti ac Aaron i gyfrif, fesul mintai, bawb yn Israel sy'n ugain oed a throsodd ac yn abl i fynd i ryfel.

⁴Gyda chwi bydd un dyn o bob llwyth, sef y penteulu.

⁵Dyma enwau'r dynion a fydd gyda chwi. O Reuben: Elisur fab Sedeur;

⁶o Simeon: Selumiel fab Surisadai;

⁷o Jwda: Nahson fab Amminadab;

⁸o Issachar: Nethanel fab Suar;

⁹o Sabulon: Eliab fab Helon.

¹⁰O feibion Joseff: o Effraim, Elisama fab Ammihud, ac o Manasse, Gamaliel fab Pedasur;

¹¹o Benjamin: Abidan fab Gideoni;

¹²o Dan: Ahieser fab Ammisadai;

¹³o Aser: Pagiel fab Ocran;

¹⁴o Gad: Eliasaff fab Reuel;

¹⁵o Nafftali: Ahira fab Enan."

¹⁶Dyma'r rhai a ddewiswyd o'r cynulliad yn arweinwyr llwythau eu hynafiaid ac yn benaethiaid ar dylwythau Israel.

¹⁷Cymerodd Moses ac Aaron y dynion hyn y rhoddwyd eu henwau,

¹⁸ac ar y dydd cyntaf o'r ail fis casglwyd ynghyd yr holl gynulliad. Rhestrwyd y bobl yn �l eu tylwythau a'u teuluoedd, a rhifwyd fesul un bawb oedd yn ugain oed a throsodd.

¹⁹Felly, cyfrifodd Moses hwy yn anialwch Sinai, fel yr oedd yr ARGLWYDD wedi gorchymyn iddo.

²⁰O dylwyth Reuben, cyntafanedig Israel, rhestrwyd fesul un, yn �l cenedlaethau eu tylwythau a'u teuluoedd, enw pob gwryw ugain oed a throsodd ac yn abl i fynd i ryfel.

²¹Nifer llwyth Reuben oedd pedwar deg chwech o filoedd a phum cant.

²²O dylwyth Simeon, rhestrwyd fesul un, yn �l cenedlaethau eu tylwythau a'u teuluoedd, enw pob gwryw ugain oed a throsodd ac yn abl i fynd i ryfel.

²³Nifer llwyth Simeon oedd pum deg naw o filoedd a thri chant.

²⁴O dylwyth Gad, rhestrwyd fesul un, yn �l cenedlaethau eu tylwythau a'u teuluoedd, enw pob gwryw ugain oed a throsodd ac yn abl i fynd i ryfel.

²⁵Nifer llwyth Gad oedd pedwar deg pump o filoedd chwe chant a phum deg.

²⁶O dylwyth Jwda, rhestrwyd fesul un, yn �l cenedlaethau eu tylwythau a'u teuluoedd, enw pob gwryw ugain oed a throsodd ac yn abl i fynd i ryfel.

²⁷Nifer llwyth Jwda oedd saith deg pedair o filoedd a chwe chant.

²⁸O dylwyth Issachar, rhestrwyd fesul un, yn �l cenedlaethau eu tylwythau a'u teuluoedd, enw pob gwryw ugain oed a throsodd ac yn abl i fynd i ryfel.

²⁹Nifer llwyth Issachar oedd pum deg pedair o filoedd a phedwar cant.

³⁰O dylwyth Sabulon, rhestrwyd fesul un, yn �l cenedlaethau eu tylwythau a'u teuluoedd, enw pob gwryw ugain oed a throsodd ac yn abl i fynd i ryfel.

³¹Nifer llwyth Sabulon oedd pum deg saith o filoedd a phedwar cant.

³²O dylwyth Joseff, rhestrwyd fesul un, yn �l cenedlaethau eu tylwythau a'u teuluoedd, enw pob gwryw ugain oed a throsodd ac yn abl i fynd i ryfel.

³³Nifer llwyth Effraim oedd pedwar deg o filoedd a phum cant.

³⁴O dylwyth Manasse, rhestrwyd fesul un, yn �l cenedlaethau eu tylwythau a'u teuluoedd, enw pob gwryw ugain oed a throsodd ac yn abl i fynd i ryfel.

³⁵Nifer llwyth Manasse oedd tri deg dwy o filoedd a dau gant.

³⁶O dylwyth Benjamin, rhestrwyd fesul un, yn �l cenedlaethau eu tylwythau a'u teuluoedd, enw pob gwryw ugain oed a throsodd ac yn abl i fynd i ryfel.

³⁷Nifer llwyth Benjamin oedd tri deg pump o filoedd a phedwar cant.

³⁸O dylwyth Dan, rhestrwyd fesul un, yn �l cenedlaethau eu tylwythau a'u teuluoedd, enw pob gwryw ugain oed a throsodd ac yn abl i fynd i ryfel.

³⁹Nifer llwyth Dan oedd chwe deg dwy o filoedd a saith gant.

⁴⁰O dylwyth Aser, rhestrwyd fesul un, yn �l cenedlaethau eu tylwythau a'u teuluoedd, enw pob gwryw ugain oed a throsodd ac yn abl i fynd i ryfel.

⁴¹Nifer llwyth Aser oedd pedwar deg un o filoedd a phum cant.

⁴²O dylwyth Nafftali, rhestrwyd fesul un, yn �l cenedlaethau eu tylwythau a'u teuluoedd, enw pob gwryw ugain oed a throsodd ac yn abl i fynd i ryfel.

⁴³Nifer llwyth Nafftali oedd pum deg tair o filoedd a phedwar cant.

⁴⁴Dyma'r rhai a gyfrifwyd gan Moses ac Aaron gyda chymorth arweinwyr Israel, deuddeg ohonynt, pob un yn cynrychioli tu375? ei hynafiaid.

⁴⁵Gwnaed cyfrif o bobl Israel, yn �l eu teuluoedd, gan gynnwys pawb oedd yn ugain oed a throsodd ac yn abl i fynd i ryfel;

⁴⁶y cyfanswm oedd chwe chant a thair o filoedd pum cant a phum deg.

⁴⁷Ond ni rifwyd y Lefiaid yn �l llwythau eu hynafiaid ymysg pobl Israel,

⁴⁸oherwydd yr oedd yr ARGLWYDD wedi dweud wrth Moses,

⁴⁹Paid � chyfrif llwyth Lefi, na'u cynnwys mewn cyfrifiad o bobl Israel;

⁵⁰ond penoda'r Lefiaid i ofalu am babell y dystiolaeth, ei holl ddodrefn, a phopeth a berthyn iddi. Hwy sydd i gludo'r babell a'i holl ddodrefn, a hwy sydd i ofalu amdani a gwersyllu o'i hamgylch.

⁵¹Pan fydd yn amser symud y babell, y Lefiaid fydd yn ei thynnu i lawr; a phan fydd yn amser i aros, y Lefiaid fydd yn ei chodi. Rhodder i farwolaeth unrhyw un arall a ddaw ar ei chyfyl.

⁵²Bydd pobl Israel yn gwersyllu yn �l eu minteioedd, pob un yn ei wersyll ei hun a than ei faner ei hun.

⁵³Ond bydd y Lefiaid yn gwersyllu o amgylch pabell y dystiolaeth, rhag i ddigofaint ddod yn erbyn cynulliad pobl Israel; bydd pabell y dystiolaeth dan ofal y Lefiaid."

⁵⁴Gwnaeth pobl Israel y cyfan a orchmynnodd yr ARGLWYDD i Moses.