Read Библия- Yakut Сааалтыр 55 Bible Online

Сааалтыр 55 - Библия- Yakut bible

Сааалтыр 55

¹Хуор салайааччытыгар. «Кый ыраах баран чуумпурбут холууп» матыыбынан. Давид ырыата. Филистимляннар кинини Геф куоракка тутан ылбыттарыгар.

²Абыраа, Айыы Таҥара, киһи мэҥиэстээри хаайар, хас күн аайы үрдүбэр түһэн кыһарыйар.

³Өстөөхтөрүм күн да аайы тыыннаахтыы ыйыстыах курдуктар; үгүстэр миигин утары өрө турдулар.

⁴Оо, Үрдүктэн Үрдүкү, миэхэ куттал суоһаатаҕына, Эйиэхэ мин эрэнэбин.

⁵Таҥараҕа — Кини тылыгар айхал этэбин, — Таҥараҕа эрэнэбин, куттаммаппын; муҥур үйэлээх миэхэ тугу оҥоруой?

⁶Кинилэр хайа да күн мин этэрбин токурута сатыыллар, куһаҕаны эрэ миэхэ саныыллар.

⁷Миигин утары куомсуктаһаллар, саһа сылдьан тыыммар тиийээри, хас хардыыбын манаһаллар.

⁸Ама иэстэбилтэн куотуохтара дуо маннык хара дьайдаахтар? Айыы Таҥара, уордайан, норуоттары сууһартаа.

⁹Мин атах балай сырыым барыта Эйиэхэ ааҕыллан турар; көмүскэм уутун эмиэ иһиккэр кутан ис, — ити барыта Эн кинигэҕэр бэлиэтэммитэ буолбаат?

¹⁰Эйигин ыҥырдым да, өстөөхтөрүм чугуйан бараллар. Таҥара мин диэки, ону мин билэбин.

¹¹Таҥараҕа — Кини тылын айхаллыыбын, АЙЫЫ ТОЙОҤҤО — Кини тылын уруйдуубун, —

¹²Таҥараҕа мин эрэнэбин, куттаммаппын; киһи миэхэ тугу оҥоруой?

¹³Андаҕарбын мин толоруох тустаахпын, Айыы Таҥара; мин Эйиэхэ махтал сиэртибэтин биэриэм.

¹⁴Мин өрүү Таҥара аттыгар, олох сырдыгар, сылдьарым туһугар, Эн дууһабын өлөртөн өрүһүйдүҥ, бүдүрүйэн эрдэхпинэ миигин өйөөтүҥ.