Read Библия- Yakut Сааалтыр 61 Bible Online

Сааалтыр 61 - Библия- Yakut bible

Сааалтыр 61

¹Хуор салайааччытыгар Идифуҥҥа. Давид псалома.

²Таҥараттан эрэ дууһам уоскулаҥы булар, Кини миигин быыһаан ылар.

³Кини эрэ — мин туруук таас хайам, Быыһааччым, халыҥ хаххам, суон дурдам; мин аны тулхадыйыам суоҕа.

⁴Хаһааҥҥа диэри эһиги киһиэхэ саба түһэҕит, иҥнэйбит эркиннии, үрэллибит бүтэйдии, кинини сууллара сатыыгыт?

⁵Турар үрдэлиттэн түһэрэргэ санаммыттар; албыны-көлдьүнү кинилэр таптыыллар, тастарыгар — алгыыллар, истэригэр — кырыыллар. Села

⁶Таҥараттан эрэ дууһам уоскулаҥы булар, Кини миэхэ эрэл кыымын саҕар.

⁷Кини эрэ — мин туруук таас хайам, Быыһааччым, халыҥ хаххам, суон дурдам; мин тулхадыйыам суоҕа.

⁸Таҥара миигин быыһаан ылар, үрдүк чиэскэ тиксэрэр; Таҥара — мин бигэ таас хайам, мин халыҥ хаххам.

⁹Бар дьонум! Хайдахтаах да кэмҥэ Киниэхэ эһиги эрэниҥ; сүрэххит иһирэх тылын Киниэхэ иһитиннэриҥ: Таҥара — биһиги харысхаллаах хаххабыт. Села

¹⁰Киһи диэн сүпсүк эрэ, кыралыын улуулуун бары туһата суохтар; хайаларын да ыйааһыҥҥа уур — бары салгыннааҕар чэпчэкилэр.

¹¹Талыыргытыгар эһиги эрэнимэҥ, халыыргытынан хайҕанымаҥ; баайгыт-дуолгут хаҥаатаҕына, онно сүрэххитин сүүйтэримэҥ.

¹²Биирдэ Таҥара эппитэ, мин ону иккитэ истибитим: күүс Таҥараҕа баар,

¹³бигэ таптал эмиэ Эйиэхэ баар диэн, Айыы Тойон; Эн хас биирдии киһиэхэ тугу оҥорбутунан көрөн биэрэҕин.