Read Библия- Yakut Сааалтыр 95 Bible Online

Сааалтыр 95 - Библия- Yakut bible

Сааалтыр 95

¹Ыллааҥ АЙЫЫ ТОЙОҤҤО саҥа ырыаны; ыллаа АЙЫЫ ТОЙОҤҤО, сир үрдэ бүттүүнэ.

²Ыллааҥ АЙЫЫ ТОЙОҤҤО, алҕааҥ Кини аатын; күн аайы иһитиннэриҥ Кини биһигини быыһаабытын.

³Биллэриҥ норуоттарга Кини кэрэмэн килбиэнин, бары омуктарга — Кини оҥорор эҥин дьиктитин.

⁴АЙЫЫ ТОЙОН улуу, онон улуу айхал Киниэхэ ананыахтаах; Кини хайа да таҥаратааҕар ытыктаныахтаах.

⁵Норуоттар таҥаралара бука бары — эмэгэттэр, оттон АЙЫЫ ТОЙОН халлааннары айбыта.

⁶Кини тулата — кэрэмэн килбиэн, сүдү көстүү; Кини сибэтиэй Дьиэтин иһэ — сүҥкэн күүс, кэрэ дьүһүлгэн.

⁷Айхаллааҥ АЙЫЫ ТОЙОНУ, норуоттар уустара, айхаллааҥ АЙЫЫ ТОЙОН кэрэмэн килбиэнин, улуу кыаҕын.

⁸Айхаллааҥ АЙЫЫ ТОЙОН албаннаах аатын; бэлэххитин илдьэ кэлиҥ, киириҥ Кини тиэргэнигэр.

⁹Сүгүрүйүҥ АЙЫЫ ТОЙОҤҤО Кини сибэтиэй сыдьаайыгар; титирэстээ, сир үрдэ бүттүүнэ, Кини иннигэр!

¹⁰Омуктарга этиҥ: «АЙЫЫ ТОЙОН — Ыраахтааҕы! Ол иһин аан дойду бигэ, тулхадыйыа суоҕа. Кини норуоттары кырдьыктаахтык дьүүллүөҕэ».

¹¹Үөрүөхтүннэр халлааннар, өрөгөйдүөхтүн сир; барылыы тыаһаатын байҕал уонна онно баар барыта;

¹²көрү-нары тардыахтын сыһыы уонна онно баар барыта.

¹³Ойуур маһа барыта үөрүөхтүн АЙЫЫ ТОЙОН иннигэр. Кини кэлэн иһэр, сири дьүүллүү, кэлэн иһэр. Кини аан дойдуну көнөтүк дьүүллүөҕэ, норуоттары Бэйэтин кырдьыгынан көрүөҕэ.