Read Библия- Yakut 2021 Эсфирь 3 Bible Online

Эсфирь 3 - Библия- Yakut 2021 bible

Эсфирь 3

¹Ити кэнниттэн төһө эрэ кэм буолан баран Ахашверош ыраахтааҕы Агаг[6] удьуора Амадаф уолун Аманы, өрө тутан, атын бары тойотторуттан чорботон, бэйэтин аттыгар саамай үрдүк олбоххо олордубута.

²Дыбарыас олбуорун аанын аттыгар үлэлээх дьон бука бары Аман иннигэр сөһүргэстээн туран сиргэ тиийэ сүгүрүйэллэрэ — ыраахтааҕы дьаһала оннуга. Арай Мардохей эрэ Аман иннигэр сөһүргэстээбэт, кини атаҕар үҥпэт этэ.

³Дыбарыас олбуорун аанын аттыгар баар үлэһиттэр Мардохейы: «Ыраахтааҕы дьаһалын эн тоҕо кэһэҕиний?» — диэн сэмэлииллэрэ.

⁴Итинник күн аайы этэллэрэ да, Мардохей истибэт этэ. Дьэ ол иһин кинилэр, тылын төһө бигэтик тутуһарын билээри (ол дьоҥҥо иудейбын диэн этэн турара), барытын Амаҥҥа кэпсээн биэрбиттэрэ.

⁵Аман, Мардохей кини иннигэр сөһүргэстээбэтин, сиргэ умса түһэн сүгүрүйбэтин иһин, улаханнык өһүрэ санаабыта.

⁶Ол эрээри Мардохейы эрэ өлөрөрү тутах дии санаан, кини ханнык омуктан төрүттээҕин истибит буолан, Мардохей норуотун бүттүүнүн, Ахашверош саарыстыбатыгар баар иудейдары, имири эһэргэ санаммыта.

⁷Ахашверош ыраахтааҕы салайбыта уон иккис сылын бастакы нисан ыйыгар, ити норуоту суох оҥорорго ханнык күн табыгастааҕын билээри, Аман көрөн турдаҕына, хас биирдии күнү, ыйы, уон иккис адар ыйга диэри ыйытан «пур» — түөрэх, кэбиспиттэрэ.

⁸Дьэ ити кэнниттэн Аман Ахашверош ыраахтааҕыга эппитэ: «Эн саарыстыбаҥ бары уобаластарынан тарҕанан олорор эрээри, атын омуктартан туора туттар адьынаттаах норуот баар. Ол дьон сокуона бары норуоттар сокуоннарыттан чыҥха атын, өссө аһара баран кинилэр ыраахтааҕы сокуоннарын толорботтор. Ыраахтааҕы ону кытта эйэлэһэрэ табыллыбат.

⁹Онон кини сөптөөх диир буоллаҕына, ол омугу кырган кэбиһэр туһунан ыйааҕы таһаардын, оччоҕо ыраахтааҕы хааһынатын үлэһиттэрэ миигиттэн уон тыһыынча талант[7] үрүҥ көмүһү ылыахтара».

¹⁰Ыраахтааҕы бэчээттээх биһилэҕин тарбаҕыттан устан ылан Агаг удьуора Амадаф уолугар, иудейдар өстөөхтөрүгэр Амаҥҥа биэрбитэ.

¹¹Кини Амаҥҥа: «Көмүскүн бэйэҕэр хааллар, оттон ол омугу хайдах гынарыҥ көҥүлүҥ», — диэбитэ.

¹²Дьэ, онтон маҥнайгы ый уон үһүс күнүгэр ыраахтааҕы суруксуттарын ыҥыран ылан ыйаах таһаарбыта. Чопчу Аман дьаһайбытын курдук, туох баар баһылыктарга, бары уобаластар салайааччыларыгар, бары норуоттар тойотторугар, уобалас ахсын кинилэр суруктарынанбичиктэринэн, хас биирдии норуокка ол норуот тылынан илдьит суруйан ыыппыттара. Ыйаах Ахашверош ыраахтааҕы аатыттан суруллан баран кини бэчээтинэн бигэргэтиллибитэ.

¹³Быһый атахтаах илдьиттэр эдэриттэнэмэниттэн, оҕотуттандьахтарыттан тутулуга суох иудейдары бука барыларын биир күн, уон иккис ый, ол аата адар ый, уон үһүс күнүгэр имири эһэр, олох кырган кэбиһэр, төрдүттэн суох оҥорор, баайдарындуолларын талаан ылар туһунан дьаһал суругу ыраахтааҕы бас билэр сиригэр барытыгар тарҕаппыттара.

¹⁴Ол күнү көрсөргө ким барыта бэлэм буоларын туһугар, сокуон күүһүн ылбыт суругу устан ылан бары уобаласка, бары норуокка иһитиннэриэх тустаахтара.

¹⁵Онон кинилэр ыраахтааҕы дьаһалынан суһал айаҥҥа туруммуттара. Ыйааҕы бөҕөргөтүнүүлээх Сузы куоракка доргуччу иһитиннэрбиттэрэ. Дьэ ол дьоро күнү бэлиэтээн, ыраахтааҕы Аманныын иккиэн арыгы испиттэрэ. Оттон Сузы куорат айманансайманан барбыта.