Read Библия- Yakut 2021 Эсфирь 9 Bible Online

Эсфирь 9 - Библия- Yakut 2021 bible

Эсфирь 9

¹Уон иккис ый, атыннык эттэххэ, адар ый уон үһүс күнүгэр ыраахтааҕы ыйааҕа туолар болдьохтоох кэмэ тирээн кэлбитэ. Өстөөхтөр ити күн иудейдары хотон өрөгөйдүөхпүт диэн эрэммиттэрэ эрээри, барыта түҥнэри эргийбитэ: иудейдар бэйэлэрэ өстөөхтөрүн хоппуттара.

²Кинилэргэ уодаһыннаах суолу оҥоруохтарын баҕарбыт хара санаалаахтары самнараары, иудейдар Ахашверош ыраахтааҕы бас билэр хас биирдии уобалаһын ахсын түмсүбүттэрэ. Норуоттар бука бары улаханнык саллыбыт буоланнар, иудейдары ким да утарылаһа барбатаҕа.

³Уобалас салайааччылара, баһылыктар, тойоттор уонна ыраахтааҕы үлэһиттэрэ бука бары Мардохейтан куттанан, иудейдары өйүүллэрэ.

⁴Мардохей дыбарыаска улахан ыйааһыннаах киһи буолбута, кини суон сураҕа бары уобалаһы барытын тилийэ көппүтэ. Күнтэн күн Мардохей сабыдыала күүһүрэн иһэрэ.

⁵Онон иудейдар өстөөхтөрүн барыларын суох оҥорон, кылыһынан кырган, өлөрөнөһөрөн имири эспиттэрэ — кинилэри абааһы көрөөччүлэри бука барыларын талбыттарынан дьаһайбыттара.

⁶Аҥаардас Сузыга, бөҕөргөтүнүүлээх куоракка, иудейдар биэс сүүс киһини өлөрбүттэрэ.

⁷Олор истэригэр Паршандафа, Далфон, Асфафа,

⁸Порафа, Адалья, Аридафа,

⁹Пармашфа, Арисай, Аридай уонна Вайезафа —

¹⁰иудейдар өстөөхтөрө Амадаф уолун Аман уон уолаттара бааллара. Ол эрээри иудейдар кими да халыыталыы барбатахтара.

¹¹Сузы бөҕөргөтүнүүлээх куоратыгар төһө киһини өлөрбүттэрин ыраахтааҕыга сол күн тиэрдибиттэрэ.

¹²Ыраахтааҕы Эсфирь сарыыссаҕа эппитэ: «Сузыга иудейдар биэс сүүс киһини, ол иһигэр Аман уон уолун кырган өлөрбүттэр. Оттон саарыстыба атын уобаластарыгар тугу оҥорбуттара эбитэ буолла? Эн миигиттэн өссө туох көрдөһүүлээххиний? Мин эйиэхэ барытын биэриэм. Онон өссө тугу көрдөһөҕүн? Ол барыта туолуо».

¹³«Ыраахтааҕы сөптөөх диир буоллаҕына, — диэбитэ киниэхэ Эсфирь, — Сузы иудейдара сарсын эмиэ бу бүгүҥҥү ыйааҕы толороллоро көҥүллэннин. Оттон Аман уон уолун өлүгүн мас остуолбаҕа ыйаатыннар».

¹⁴Онон ыраахтааҕы дьаһалынан кини ыйааҕын Сузы куоракка иһитиннэрэн баран, Аман уон уолун өлүгүн остуолбаҕа ыйаан кэбиспиттэрэ.

¹⁵Сузыга олорор иудейдар хат түмсэн, адар ый уон төрдүс күнүгэр куоракка өссө үс сүүс киһини өлөрбүттэрэ, ол гынан баран кими да халыыталыы барбатахтара.

¹⁶Ыраахтааҕы бас билэр сиригэр барытыгар атын иудейдар бэйэлэрин көмүскэнэн, өстөөхтөрүттэн өрүһүнээри, эмиэ бииргэ түмсэн, сэттэ уон биэс тыһыынча өстөөҕү өлөрбүттэрэ, ол гынан баран эмиэ кими да халыыталыы барбатахтара.

¹⁷Ити адар ый уон үһүс күнүгэр буолбута, оттон ый уон төрдүс күнүгэр кинилэр бука бары сынньаммыттара — иудейдарга малааһын, үөрүүкөтүү дьоро күнэ үүммүтэ.

¹⁸Сузы иудейдара ый уон үһүс, уон төрдүс күннэригэр бары бииргэ түмсүбүттэрэ, оттон уон бэһис күнүгэр сынньаммыттара — кинилэргэ эмиэ малааһын, үөрүүкөтүү дьоро күнэ үүммүтэ.

¹⁹Оттон дэриэбинэ олохтоохторугар, тыа сирин иудейдарыгар, үөрүүкөтүү, малааһын, бырааһынньык адар ый уон төрдүс күнүгэр түбэспитэ. Дьонсэргэ бу бырааһынньыгы бэлиэтээн, бэйэбэйэлэригэр кэһии ыытыһар буолбуттара.

²⁰Мардохей ити туһунан барытын суруйан баран, ол суруктарын Ахашверош ыраахтааҕы саарыстыбатын бары муннугар, ыраах уобаластарга да, чугас эргин да олорор иудейдарга бука барыларыгар ыыталаан,

²¹кинилэр адар ый уон төрдүс, уон бэһис күннэрин сыллата бэлиэтииллэригэр дьаһайбыта.

²²Ити күннэргэ иудейдар өстөөхтөрүттэн быыһанан, кутурҕаннара үөрүүгэ, оттон ытабыллара бырааһынньыкка кубулуйбута. Онон Мардохей бу икки күн малааһын, үөрүүкөтүү дьоро кэмэ буоллун, дьон хардарыта күндүлэһэн бэйэбэйэлэригэр кэһии ыытыстыннар, дьадаҥыларга бэлэх биэрдиннэр диэн суруйбута.

²³Инньэ гынан Мардохей иудейдарга суруйбутун курдук, бу бырааһынньык норуот үйэлээх үгэһигэр кубулуйбута.

²⁴Агаг удьуорун Амадаф уола Аман, бары иудейдар кыр өстөөхтөрө, иудейдары имири соторго сорунан, кинилэри самнаран төрдүттэн эһээри, «пур» (түөрэх) бырахпыта.

²⁵Ол гынан баран Эсфирь ыраахтааҕыга тиийбитигэр анарааҥҥыта ыйаах таһааран, Аман иудейдары утарар хара дьайдаах соругун бэйэтин утары эргиппитэ: кинини уолаттарын кытта остуолбаҕа ыйаан кэбиспиттэрэ.

²⁶Ол иһин ити күннэри «пур» диэн тылтан таһааран, Пурим диэн ааттаабыттара. Иудейдар илдьит сурукка уонна илэ харахтарынан көрбүт, эттэринэнхааннарынан билбит быһыыларыгармайгыларыгар олоҕуран,

²⁷бэйэлэригэр да, кэнэҕэски удьуордарыгар уонна кинилэргэ холбоспут атын да дьоҥҥо бука барыларыгар анаан икки күнү, хайдах ыйыллыбытынбигэргэммитин курдук, сылтан сыл көтүппэккэ бэлиэтиир үгэһи ылынан олоххо киллэрбиттэрэ.

²⁸Онон ити күннэри уобаласуобалас, куораткуорат аайы хас биирдии көлүөнэ, хас биирдии дьиэ кэргэн умнубакка бэлиэтиир буолбута. Иудейдар Пурим күннэрин хаһан да умнубатыннар, кинилэр удьуордара эмиэ ити туһунан өрүү өйдүүсаныы сырыттыннар!

²⁹Абихаил кыыһа Эсфирь сарыысса былааһын толору туһанан, Мардохей иудейы кытта бииргэ Пурим бырааһынньыгын туһунан инники суруллубут илдьит суругу бигэргэппитэ.

³⁰Онон ити илдьити, эйэ уонна куттал суох буолуутун туһунан баҕа санааларын онно эбии киллэрэн баран, Ахашверош саарыстыбатын сүүс сүүрбэ сэттэ уобалаһын иудейдарыгар бука барыларыгар ыыппыттара.

³¹Дьэ ити курдук Мардохей иудей Эсфирь сарыыссалыын уурбут уураахтарынан итиэннэ иудейдар бэйэлэригэр уонна кэнэҕэски ыччаттарыгар анаан быһаарбыттарынан, астан туттунар ытабыл кэмэ олохтоммутун курдук, аны Пурим күннэрин бырааһынньыга олохтоммута.

³²Эсфирь дьаһал биэрэн Пурим бырааһынньыгын бигэргэппитэ. Ол туһунан барыта кинигэҕэ[10] суруллан турар.