Read Библия- Yakut 2021 Саалтыр 11 Bible Online

Саалтыр 11 - Библия- Yakut 2021 bible

Саалтыр 11

¹Хуор салайааччытыгар. Аҕыс устурууналаах инструмент доҕуһуолунан. Давид псалома.

²Быыһаа, АЙЫЫ ТОЙОН; Таҥараҕа бэриниилээх ким да суох, итэҕэллээх киһи дьон аймахха аны суох.

³Бары бэйэ-бэйэлэригэр сымыйаны этэллэр; минньигэс тылларынан албыдыйан, кубулҕаттык кэпсэтэллэр.

⁴Тыла суох ыытыаҕа АЙЫЫ ТОЙОН бары албын тыллаахтары, арбанар адьынаттаахтары,

⁵«Кутан-симэн хотуохпут, тугу этэри булуохпут, ким биһиэхэ тойонуй?» — дэһээччилэри.

⁶«Кыраны-хараны халыылларын, кыһалҕалаахтары ынчыктаталларын иһин, Мин билигин туруом, — диир АЙЫЫ ТОЙОН, — уонна, баттаммыттар баҕаларын толорон, кинилэри быыһаан ылыам».

⁷АЙЫЫ ТОЙОН этэр тыла — ыраас тыл, туой оһоххо ыраастаммыт, сэттэ төгүл уулларыллыбыт үрүҥ көмүс.

⁸АЙЫЫ ТОЙОН, Эн биһигини харыстыаҥ, бу аймахтан үйэлэр тухары араҥаччылыаҥ.

⁹Ханна да көр — хара дьайдаахтар хаамсаллар, дьон бары сидьиҥи өрө туталлар[6].