Read Yimchungru Naga Thrün 5 Bible Online

Thrün 5 - Yimchungru Naga bible

Thrün 5

¹Ha Adam lünkhe hüm ah. Thrünpuhnü mihtsürü thrün nimung, apinü anihbuh ju Thrünpuh kiphahkhi chingnü thrün.

²Apinü arü athrürü tüsho aliberü thrün, tüsho arü müngühjihde arü thrün nimung arü ki mihtsürü de ji.

³Adam kam 130 lachoki api kiphahde tsührü khülang lakheah; tüsho apinü amung Seth de ji.

⁴Seth zübeshu, Adam kam 800 lakheah tüsho tsührübo le tsührübebo lakheah.

⁵Alala thsürubah Adam kam 930 lakheah, tüsho api sheabah.

⁶Seth kam 105 lachoki, api tsührü Enosh lakheah.

⁷Tüsho Enosh lashu Seth kam 807 tüsho tsührübo le tsührübebo lakheah.

⁸Seth kam alalanü 912 lakheah, tüsho api sheabah.

⁹Enosh kam 90 lachoki api Kenan abuh kam.

¹⁰Kenan lashu Enosh kam 815 la tüsho tsührübo le tsührübebo lakheah.

¹¹Enosh kam alalanü 905 lakheah, tüsho api sheabah.

¹²Kenan kam 70 lachoki, api tsührü Mahalalel lakheah.

¹³Mahalalel lashu, Kenan kam 840 la tüsho tsührübo le tsührübebo lakheah.

¹⁴Kenan kam alalanü 910 lakheah, tüsho api sheabah.

¹⁵Mahalalel kam 65 lachoki, api Jared abuh kam.

¹⁶Api Jared abuh kamshu, Mahalalel kam 830 la, tüsho tsührübo le tsührübebo lakheah.

¹⁷Mahalalel kam alalanü 895 lakheah, tüsho api sheabah.

¹⁸Jared kam 162 lachoki, api tsührü Enok lakheah.

¹⁹Enok lashu, Jared kam 800 la tüsho tsührübo le tsührübebo lakheah.

²⁰Jared kam alalanü 962 lakheah, tüsho api sheabah.

²¹Enok kam 654 lachoki, api tsührü Methusela lakheah.

²²Methusela lashu, Enoknü kam 300 Thrünpuh lung tsah, tüsho tsührübo le tsührübebo lakheah.

²³Enok kam alalanü 365 lakheah.

²⁴Enoknü Thrünpuh lung tsah; jushu api müladebah, tümütüsho Thrünpuhnü api bea lu.

²⁵Methusela kam 187 lachoki, api tsührü Lamek lakheah.

²⁶Lamek lashu, Methusela kam 782 la, tüsho tsührübo le tsührübebo lakheah.

²⁷Methusela kam alalanü 969 lakheah, tüsho api sheabah.

²⁸Lamek kam 182 lachoki, api tsührü khülang lakheah.

²⁹Apinü amung Noa de jide tha, “ATUNGPUHNÜ muthrumüneankhi lo ching isa rhimo khisahde arhimokhi alala chingnü ha azürü hode isa sühakhimshihbah.”

³⁰Noa lashu, Lamek kam 595 la, tüsho tsührübo le tsührübebo lakheah.

³¹Lamek kam alalanü 777 lakheah, tüsho api sheabah.

³²Noa kam 500 lachoki, api tsührübo Shem, Ham, tüsho Japheth lakheah.