Read Yimchungru Naga 1 Kiuthsü 23 Bible Online

1 Kiuthsü 23 - Yimchungru Naga bible

1 Kiuthsü 23

¹Küyimki David ashinbuhrü kamkhea tüsho nimungbo suhde alakhea, apinü atsührü Solomon Israel kurungkheak kiulongthsürü kamshih.

²Davidnü Israel limberü alala tüsho amükeamrü le Levirübo bemukhung.

³Levirübo kam 30 azorü akumungnü khe, tüsho alalanü 38,000.

⁴Davidnü tha, “ha chingnü, 24,000nü ATUNGPUH arüngyam rhimokhi kheahbah tüsho 6000nü atorübo tüsho mahkhaprübo thsübah,

⁵4000 ripit neakrü tüsho 4000nü inü mungshipü thsükhi khün-khungbe bede ATUNGPUH kilim mungshi jihbah.”

⁶Tüsho Davidnü arü guk yande Levirübo khunung mahsam chamnakjih: Gershon, Kohath tüsho Merari.

⁷Gershon tsührübo ju Ladan tüsho Shimei lakheah.

⁸Ladan tsührü 3: Jehiel adüjibuh, Zetham tüsho Joel.

⁹Shimei tsührü 3: Shelomoth, Haziel tüsho Haran. Harü ha Ladan yamkhün ching akubo lakheah.

¹⁰Tüsho Shimei tsührübo: Jahath, Ziza, Jeush tüsho Beria. Harü 4 ha Shimei tsührübo lakheah.

¹¹Jahath ha adüjibuh tüsho Ziza ju khinbuh; tüshe Jeush le Beria ane tsührü hihde mülakheah, jumonü ane a yamdung khülang lang kheyuk.

¹²Kohath tsührü 4: Amram, Izhar, Hebron tüsho Uzziel.

¹³Amram tsührübo: Aron tüsho Mosa. Aron a khide amüsüh kukruk thsungkheak bemuwuh-a zo, junangde api tüsho atsührübonü lünnü ATUNGPUH miki kingaünbah, tüsho api ki tankihbah tüsho lünnü api mung ching müngühmühi thabah;

¹⁴tüshe Thrünpuh mihtsürü Mosa thsungkheak a, api tsührübo ju Levi trük lung kheyuk.

¹⁵Mosa tsührübo: Gershon tüsho Eliezer.

¹⁶Gershon tsührübo: Shebuel adüjibuh.

¹⁷Eliezer tsührübo: Rehabia adüjibuh; Eliezer a tsührü püpü müla, tüshe Rehabia tsührübo hihdakde alakheah.

¹⁸Izhar tsührübo: Shelomith adüjibuh,

¹⁹Hebron tsührübo: Jeria adüjibuh, Amaria ju khinbuh, Jahaziel mahsampü, tüsho Jekameam aphüyipü.

²⁰Uzziel tsührübo: Mika adüjibuh tüsho Isshia ju khinbuh.

²¹Merari tsührübo: Mahli tüsho Mushi. Mahli tsührübo: Eleazar tüsho Kish.

²²Eleazar tsührü mülade she, tüshe tsührübebo lang alakheah; arü buhtsührü, Kish tsührübonü arü yihlu.

²³Mushi tsührü 3: Mahli, Eder tüsho Jeremoth.

²⁴Harü ha Levi tsührübo arü jipürü yamkhün yande guk ching akubo kam 20nü akumung ATUNGPUH yam tankihpü rhimo ching arü bümdung mungnü akheyukkhibo lakheah.

²⁵Tümüde Davidnü tha, “ATUNGPUH , Israel Thrünpuhnü api mihtsürübo kilim sühakhim jihdo; tüsho api Jirusalem ching lünnü lah.

²⁶Jumonü Levirünü kheaküa arüngkhimyam yungsho amukhung ching ahorikhi kukrukbo mushuhdebah.”

²⁷Davidnü akheamde thsangdankhi yande, Levirübo ju kam 20nü akumung kheyuk.

²⁸Levirünü arhimopü lakhi ju ATUNGPUH arüngyam mukhungmüdan ching Aron tsührübo rungpü lakheah: khikzhakpung, akhiungshakbo, amüsüh kukrukbo alala müsühkhitpü tüsho Thrünpuh yam ching rhimobe alala rhimopü;

²⁹yikhap thürüna zokhi, hi kingaün thsungkheak amokhitkhi ayikangkang, phaüm muyukkhi yikhapkheam, akhapkhi kingaün, müdangke thsürude kingaünkhi, tüsho ahihlim yungsho atolim akearakhi alala ching rungpü lakheah.

³⁰Tüsho arünü yapsu abande ATUNGPUH kilim makshe jihde tüsho mungshi jihde azhipbah, tüsho junangde arelim she alabah,

³¹tüsho amuni, khinu aso, tüsho akhukhitkhi thüniobo ching ATUNGPUH kilim taka kingaünkhi, arü khekhi yihnüpü ayannü mutuklode ATUNGPUH kilim jihchoki labah.

³²Hanangde arünü ashorupung khimyam, arüngyam rhimo ching labah, tüsho ATUNGPUH yam ching tankihpü thsungkheak arünü Aron tsührübo lung bebah.