Read Yimchungru Naga 1 Kiuthsü 27 Bible Online

1 Kiuthsü 27 - Yimchungru Naga bible

1 Kiuthsü 27

¹Ha Israel mihtsürü, guk ching akubo, chithürübo tüsho chibo wühkenorübo, tüsho kam amuyung khinu abande achamnakkhi ayannü lüpdükhi ching kiulongthsüpuh tankihkhi khinlang, achamnak abannü akhekhi 24,000:

²Akhuhbe khinu ching akhuhbe chamnak kurungkheak Zabdiel tsührü Jashobeam lakheah; api chamnak ching 24,000 lakheah.

³Api Perez tsühsoniuso, tüsho akhuhbe khinu thsungkheak bonungrü wühkenorü alala yo atobuh lakheah.

⁴Ahohrü Dodai khinu mahnepü chamnak kurungkheak lakheah; api shihcham ching atobuh ju Mikloth lakheah. Api shihcham ching 24,000 lakheah.

⁵Khinu asampü thsungkheak wühkenobuh mahsampü ju amükeambuh Jehoiada tsührü Benaia atobuh lakheah; api shihcham ching 24,000 lakheah.

⁶Ha Benaia samrü yo sühmüh larü mihtsürü tüsho samrü wühkenobuh; api tsührü Ammizabad ju api shihcham kurungkheak lakheah.

⁷Aphüyipü ching Joab niurü Asahel, khinu phüyipü thsungkheak lakheah, tüsho api dunglim atsührü Zebadia; api shihcham ching 24,000 lakheah.

⁸Khinu phüngüpü thsungkheak wühkenorü aphüngüpü ju Izrarü Shamhuth lakheah; api shihcham ching 24,000 lakheah.

⁹Athurukpü, khinu thurukpü thsungkheak, Tekoarü Ikkesh tsührü Ira lakheah; api shihcham ching 24,000 lakheah.

¹⁰Athünepü, khinu thünepü thsungkheak, Ephraimrü Pelon chingnü Helez lakheah; api shihcham ching 24,000 lakheah.

¹¹Atizheahpü, khinu tizheahpü thsungkheak, Zerarü Hushath chingnü Sibbekai lakheah; api shihcham ching 24,000 lakheah.

¹²Atukupü, khinu tukupü thsungkheak Benjaminrü Anathoth chingnü Abiezer lakheah; api shihcham ching 24,000 lakheah.

¹³Athürüpü, khinu thürüpü thsungkheak Zerarü Netopha chingnü Maharai lakheah; api shihcham ching 24,000 lakheah.

¹⁴Thürükheak khülangpü, khinu thürükheak khülangpü thsungkheak Ephraimrü Pirathon chingnü Benaia lakheah; api shihcham ching 24,000 lakheah.

¹⁵Thürükheak mahnepü, khinu thürükheak mahnepü thsungkheak Othnielrü Netopha chingnü Heldai lakheah; api shihcham ching 24,000 lakheah.

¹⁶Israel trükbo kurungkheak, Reubenrü thsungkheak, Zikri tsührü Eliezer atobuh lakheah; Simeonrü thsungkheak, Maaka tsührü Shephatia;

¹⁷Levi thsungkheak, Kemuel tsührü Hashabia; Aron thsungkheak, Zadok;

¹⁸Juda thsungkheak, David keoniorü lungnü, Elihu; Issakar thsungkheak, Maikel tsührü Omri;

¹⁹Zebulun thsungkheak, Obadia tsührü Ishmaia; Naphtali thsungkheak, Azriel tsührü Jerimoth;

²⁰Ephraimrü thsungkheak, Azazia tsührü Hoshea; Manase trük chamkhüh thsungkheak, Pedaia tsührü Joel;

²¹Gilead ching Manase trük chamkhüh thsungkheak, Zekaria tsührü Iddo; Benjamin thsungkheak, Abner tsührü Jaasiel;

²²Dan thsungkheak, Jeroham tsührü Azarel. Harü ha Israel trükbo limberübo lakheah.

²³Davidnü kam 20 abukkhüp a mükhe, tümüde Israel thüning ching chiningbo nangde hihde akamshihpü ATUNGPUHNÜ alokhi.

²⁴Zeruia tsührü Joabnü arü khepü tankih, tüshe müban; tütüshe ha thsungkheaknü Israel kheak bukakhiukkhi arü, tüsho ahihdakkhi kiulongthsüpuh David yukhean khekhi ching muyuk.

²⁵Kiulongthsüpuh rahpung kurungkheak, Adiel tsührü Azmaveth lakheah. Lomi ching, kiutobo ching, kiulongbo ching, tüsho aheangsadam ching zowupung kurungkheak Uzzia tsührü Jonathan lakheah.

²⁶Thulu ching alo kiurü kurungkheak, Kelub tsührü Ezri lakheah.

²⁷Kurungasolu kurungkheak, Ramathrü Shimei lakheah. Kurungaso chingnü akhiukkhi yukhu zopung kurungkheak Shipmirü Zabdi.

²⁸Shephela ching oliv tüsho sangzhinasodungbo kurungkheak Gederrü Baal-hanan. Müdangke zopung kurungkheak Joash.

²⁹Sharon ching akamkhi moshibo kurungkheak Sharonrü Shitrai. Jindükhünbo ching moshibo kurungkheak Adlai tsührü Shaphat.

³⁰Kemelbo kurungkheak Ishmaelrü Obil. Donkibo kurungkheak Meronothrü Jedeia. Mihnubo kurungkheak Hagrü Jaziz.

³¹Harü alala kiulongthsüpuh David lakhit-kukruk kurungkheak atorübo lakheah.

³²Jonathan, David akü, lümthiyan-jihrü, anikhitkhi mihtsürü tüsho athrütrü lakheah; Hakmoni tsührü Jehielnü kiulongthsüpuh tsührübo küm.

³³Ahithophel a kiulongthsüpuh lümthiyan-jihrü, tüsho Arkrü Hushai a kiulongthsüpuh müyambuh lakheah.

³⁴Ahithophel dunglim Benaia tsührü Jehoiada, tüsho Abiathar arü. Joab a kiulongthsüpuh bonungrü wühkenobuh lakheah.