Read Yimchungru Naga 1 Kiuthsü 4 Bible Online

1 Kiuthsü 4 - Yimchungru Naga bible

1 Kiuthsü 4

¹Juda tsührübo: Perez, Hezron, Karmi, Hur, tüsho Shobal.

²Tüsho Shobal tsührü Reaia kheaknü Jahath trükkhit, tüsho Jahath kheaknü Ahumai tüsho Lahad trükkhit. Harü ha Zorathrü gukbo lakheah.

³Harü ha Etam tsührübo: Jezreel, Ishma, tüsho Idbash; tüsho tsührübe Hazzelelponi,

⁴tüsho Penuel kheaknü Gedor trükkhit, tüsho Ezer kheaknü Husha trükkhit. Harü ha Bethlehem abuh, Ephratha tsührü adüjibuh Hur tsührübo lakheah.

⁵Tekoa abuh Ashhur niube 2 lakheah, Hela tüsho Naara;

⁶Naaranü api kilim Ahuzzam, Hepher, Temeni, tüsho Haahashtari zübejih.

⁷Hela tsührübo: Zereth, Izhar, tüsho Ethran.

⁸Koz kheaknü Anub, Zobeba, tüsho Harum tsührü Aharhel gukbo trükkhit.

⁹Jabez ju api keoniorübo kheaknü alü wüntrebuh lakheah; tüsho abenü api mung Jabez jijihde tha, “Tümütüsho inü api thsünüde zübedo.”

¹⁰Jabeznü Israel Thrünpuh ki jide tha, “O nünü I müngühjang tüsho I lomi tode kamshang! Nü khah I lung labah, tüsho thsümütsü chingnü I küma zoang, junangde thsünükhi chingnü I zuzu labah.” Tüsho api tamkhüntamnükhi Thrünpuhnü alojih.

¹¹Shuhah akhiung Kelub kheaknü Eshton abuh Mehir trükkhit.

¹²Tüsho Eshton kheaknü Bethrapha, Pasea, tüsho Ir-mahash abuh Tehinna trükkhit. Harü ha Rekab mihtsürübo lakheah.

¹³Kenaz tsührübo: Othniel tüsho Seraia; tüsho Othniel tsührübo: Hathath tüsho Meonothai.

¹⁴Meonothai kheaknü Ophra trükkhit; tüsho Seraia kheaknü Ger-harashim abuh Joab trükkhit, jude ji tümütüsho arübo keaklahrü lakheah.

¹⁵Jephunne tsührü Kaleb tsührübo: Iru, Ela, tüsho Naam; tüsho Ela tsührü: Kenaz.

¹⁶Jehallelel tsührübo: Ziph, Zipha, Tiria, tüsho Asarel.

¹⁷Ezra tsührübo: Jether, Mered, Epher, tüsho Jalon. Mered niubenü Miriam, Shammai, Eshtemoa abuh Ishba zübejih.

¹⁸Tüsho aniube Judabenü Gedor abuh Jered, Soko abuh Heber, Zanoa abuh Jekuthiel zübejih.

¹⁹Naham achi, Hodia niube tsührübo ju Garmrü Keilah tüsho Maakathrü Eshtemoa ane abuh lakheah.

²⁰Shimon tsührübo: Amnon, Rinna, Ben-hanan, tüsho Tilon. Ishi tsührübo: Zoheth tüsho Ben-zoheth.

²¹Juda tsührü Shela tsührübo: Leka abuh Er, Maresha abuh Leada, tüsho api gukbo ju Beth-ashbea ching khimthünak-keakrübo lakheah;

²²tüsho Jokim, Kozeba mihtsürü, Joash; tüsho Saraph, shepünü Moab tüsho Jashubi-lehem ching yakzan shuh (kheakü thrüta zokhibo ju awünbo ah).

²³Harübo ha phühdamrü tüsho Netaim le Gedera ching larübo lakheah; arübo ju ching kiulongthsüpuh lung anihbuh tankihkhi ching lakheah.

²⁴Simeon tsührübo: Nemuel, Jamin, Jarib, Zera, Shaul;

²⁵Shaul tsührü Shallum, atsührü Mibsam, atsührü Mishma.

²⁶Mishma tsührübo: Hammuel, atsührü Zakkur, atsührü Shimei.

²⁷Shimei tsührü athrürü 16 tüsho aliberü 6 lakheah; tüshe api keoniorübo a tsührü hihde müla yungsho arü guk alala Judarü ruk mubu.

²⁸Arü lapung ju Beersheba, Maloda, Hazarshual,

²⁹Bilha, Ezem, Tolad,

³⁰Bethuel, Horma, Ziklag,

³¹Beth-markaboth, Hazarsusim, Beth-biri, tüsho Shaaraim. Harü ha David kiulongthsüpuh kamkhi khiungde arü kiutobo lakheah.

³²Tüsho arü kiulongbo ju Etam, Ain, Rimmon, Token, tüsho Ashan, kiuto 5,

³³harü kiutobo mühide alakhi arü kiulongbo alala bede Baal khiunglah. Harü ha arü lapungbo. Tüsho arünü tsühsoniuso yukhean thrüta zo:

³⁴Meshobab, Jamlek, Amazia tsührü Josha,

³⁵Joel, Asriel tsührü Seraia tsührü Joshibia tsührü Jehu,

³⁶Elioenai, Jaakoba, Jeshohaia, Asaia, Adiel, Jesimiel, Benaia,

³⁷Shemai tsührü Shimri tsührü Jedaia tsührü Allon tsührü Shiphi tsührü Ziza —

³⁸harü mung jihkhi ha arü yamkhünbo limberübo ah, tüsho arü gukbo hihde bu.

³⁹Arü mihnu boto thsungkheak rimlopung yimpü arünü Gedor limro tsahmusude aniakhiuklim jindükhün lim yü,

⁴⁰ju ching arünü suhdahkhi rimlopung atsü ngü, tüsho alo ju khide amülih, azhikpung, tüsho mungtsü lakheah; akhuhlim ju ching Hamrü lakheah.

⁴¹Harü, mung thrüta larübo Hezekia Juda kiulongthsüpuh nimungbo ching arü, tüsho arü khimyambo le ju ching larü Meunimrü yankhita bahbah kamruhroro laabah, tümütüsho ju ching arü mihnu boto thsungkheaknü rimlopung lakheah.

⁴²Tüsho arü khürü, Simeonrü mihtsürü 500 Seir wung ching yü, arü limberübo ju Ishi tsührübo Pelatia, Nearia, Rephaia, tüsho Uzziel;

⁴³arünü Amalekrü atsokhitrübo laksah, tüsho arü khihni khiungde ju ching lah.