Read Yimchungru Naga 2 Kiuthsü 27 Bible Online

2 Kiuthsü 27 - Yimchungru Naga bible

2 Kiuthsü 27

¹Jotham kiulongthsüpü tankihchoki kam 25 azorü lakheah; apinü Jirusalem ching kam thürükheak thuruk kiulongthsü. Abe mung ju Zadok tsührübe Jerusha lakheah.

²Abuh Uzzianü arhimokhi nangde apinü ATUNGPUH miki alungki rhimo (apinü ATUNGPUH yam ching lang müyüzah). Tüshe mihtsürübonü judü lang athsümünimkhi rhimobo yan.

³Jothamnü ATUNGPUH yam ripit achangbe thsü, tüsho Ophel chipi kheak thüyam ashang thsü.

⁴Kheaküshe apinü Juda awung lomi ching kiutobo thsü, tüsho murung ching chipibo tüsho aheangsadambo thsü.

⁵Apinü Amonrü kiulongthsüpuh kheak keochih, tüsho arü kuk. Amonrünü ju kam api kilim shotoyinchi khahngak 3400, wheat hi khahngak chithürü 1000 tüsho barli hi khahngak chithürü 1000 jih. Amonrünü api kilim ju dükdü lang mahnepü tüsho asampü kam ching jih.

⁶Jumonü Jotham sühmüh zahde kam tümütüsho apinü ATUNGPUH anihbuh Thrünpuh miki thiyuronü tsah.

⁷Kheakü aningkhi Jotham rhimobo, tüsho api thirithsübo tüsho api limrobo alala, Israel tüsho Juda kiulongthsürübo hüm ching thrüta lah.

⁸Api kiulongthsüpü tankihchoki kam 25 azorü lakheah; apinü Jirusalem ching kam thürükheak thuruk kiulongthsü.

⁹Jotham nihbuh jipürü lung yap, tüsho arünü api David kiuto ching kiuyukabah; tüsho atsührü Ahaznü api müthri.