Read Yimchungru Naga Ezra 10 Bible Online

Ezra 10 - Yimchungru Naga bible

Ezra 10

¹Ezranü tripde arüngyam miki khukningbahle tamkhüntamnüde harü neak alokhichoki, Israel boto athrürü, aliberü, tüsho azürübo api mükamde arübah tüzhode trip.

²Tüsho Elam yamkhün chingnü Jehiel tsührü Shekanianü Ezra ki tha, “Lomi ching khiungkeberü yihlumonü isanü Thrünpuh kheak akin thsümünimdo, judüalalashe Israelrü thsungkheak mulonglam judü lang lah.

³Jumonü I putungpuh ki lümlung-jihrü tüsho isa Thrünpuh yukhüm trede anirübonü ahuhkhi yande, isanü harü berü le arü tsührübo yana tsoshihpü isa Thrünpuh ki tangzünganü; tüsho ju yakzan yande rhimoshang.

⁴Asürang tümüde ha nü rhimo ah, nü rungpü isa lah, reangzahang tüsho ju rhimoang.”

⁵Judüki Ezranü wusubah amükeamrübo tüsho Levirü limberü mokhit, tüsho aningkhi botonü Shekanianü athakhi yande arhimobah de thiyuchihchim.

⁶Tüsho Ezranü arüngyam mikinü akhinde Eliashib tsührü Jehohanan yam khiungshak ching yü, tüsho ramtsorü akin niukniukkhi dünkheak mütsühyungde tüzhode tsüngrekhüh bin.

⁷Tüsho ramtsorübo Jirusalem ching mukhungang de Juda tüsho Jirusalem ching thiyusheak ahiuhkham.

⁸Shepü nimung mahsam dükeak chingnü mübebanü atorü tüsho azothsürü yukhüm yande, alakhit alala lujihbah tüsho amung she ramtso arihako chingnü abahjihbah de thsakham.

⁹Nimung mahsam dükeak chingnü, khinu tuku nimung muku nipü Juda tüsho Benjaminrübo Jirusalem ching mukhungbah arüngyam limkhuh ching bin, judürü dünkheaknü tüsho tsüngkenirü mütsükhinü mihtsürübo ajande bin.

¹⁰Ezra amükeambuhnü jukmusubah arü ki tha, “Nüsa akin müdüküngde lado, tüsho khiungkeberü yihlukhi hode Israelrü kurungkheak neak alü kamdo.

¹¹Jumonü kheakü, nüsa neak ATUNGPUH , nüsa jipürü Thrünpuh ki alokhiang, tüsho Api lümkhi rhimoang. Isa lo ching larü khiungkerü tüsho khiungkeberü nüsa niuberü kheaknü chamachihang.”

¹²Botonü düsheak achangnü alo, “Nünü tümüpürü thabanü isanü arhimobah.”

¹³Tüshe arünü alo, “Yimto ato ah, tüsho tsüng mülangde arüchoh. Isanü ha ruk limkhuh ching müzhipkhuk. Ha nimung khülang mahne rhimo yung, tümütüsho ha neak ching isa ahihkhüh munuklah.

¹⁴Thrünpuh bukakhiukkhi isa kheaknü mutsoloyi khiungde, isa torübonü Jirusalem ching mukhungbah isa boto thsungkheak akeanangshang; tüsho shepü khiungkeberü lulanü kim dükdü ching limberübo le kiuto mahkhaprü lung arüshang.”

¹⁵Ju ching Asahel tsührü Jonathan le Tikva tsührü Jahzeia anenü lang azhihdo, tüsho Levirü Meshullam tüsho Shabbethai anenü she rung.

¹⁶Ramtso chingnü alungrübonü lümkhi yihkhia lu, jumonü amükeambuh Ezranü yamkhünbo chingnü akuthsürübo mokhit tüsho arü mung thrütyuk. Khinu thürü nimung akhuhbe ni arünü phüzüphüdopü tankih.

¹⁷Tüsho khinu mahsam dükeak chingnü khiungkeberü lurübo atsangashude yimkhitkham.

¹⁸Khiungkeberü yihlurü athrürübo harü ah: Amükeamrü yamkhün chingnü: Jozadak tsührü Jeshua tsührübo tüsho akeoniorübo: Maaseia, Eliezer, Jarib, tüsho Gedalia.

¹⁹Arünü arü niuberü bahpü thiyuchihchim, tüsho arü neak dünkheak namfimihnupung khülangnü kingaün.

²⁰Immer tsührübo: Hanani tüsho Zebadia.

²¹Harim tsührübo: Maaseia, Elija, Shemaia, Jehiel tüsho Uzzia.

²²Pashhur tsührübo: Elioenai, Maaseia, Ishmael. Nethanel, Jozabad, tüsho Elasa.

²³Levirübo: Jozabad, Shimei, Kelaia ( Kelita), Pethahia, Juda, tüsho Eliezer.

²⁴Khün thsürü: Eliashib. Chipi neakrü: Shallum, Telem, tüsho Uri.

²⁵Püpürü Israelrübo: Parosh tsührü: Ramia, Izzia, Malkhija, Mijamin, Eleazar, Hashabia, tüsho Benaia,

²⁶Elam tsührübo: Mattania, Zekaria, Jehiel, Abdi, Jeremoth, tüsho Elija.

²⁷Zattu tsührübo: Elioenai, Eliashib, Mattania, Jeremoth, Zabad, tüsho Aziza,

²⁸Bebai tsührübo: Jehohanan, Hanania, Zabbai, tüsho Athlai.

²⁹Bani tsührübo: Meshullam, Malluk, Adaia, Jashub, Sheal tüsho Jeremoth.

³⁰Pahathmoab tsührübo: Adna, Kelal, Benaia, Maaseia, Mattania, Bezalel, Binnui, tüsho Manase.

³¹Harim tsührübo: Eliezer, Isshija, Malkhija, Shemaia, Shimeon,

³²Benjamin, Malluk, tüsho Shemaria,

³³Hashum tsührübo: Mattenai, Mattatta, Zabad, Eliphelet, Jeremai, Manase, tüsho Shimei.

³⁴Bani tsührübo: Maadai, Amram, Uel,

³⁵Benaia, Bedeia, Keluhi,

³⁶Vania, Meremoth, Eliashib,

³⁷Mattania, Mattenai, Jaasu,

³⁸Binnui tsührübo: Shimei,

³⁹Shelemia, Nathan, Adaia,

⁴⁰Maknadebai, Shashai, Sharai,

⁴¹Azarel, Shelemia, Shemaria,

⁴²Shallum, Amaria, tüsho Josep.

⁴³Nebo tsührübo: Jeiel, Mattithia, Zabad, Zebina, Jaddai, Joel, tüsho Benaia.

⁴⁴Harübonü khiungkeberü yihlu tüsho tsührübo she bede arü niuberübo bah-a tsoshih.