Read Yimchungru Naga Nehemia 11 Bible Online

Nehemia 11 - Yimchungru Naga bible

Nehemia 11

¹Limberübo Jirusalem ching la, tüsho mihtsürü püpürübo thürü ching khülang mokhitbah amüsüh Jirusalem kiuto ching lashihpü thsüde azan thsü, tüshe aningkhi shihcham tuku ju a püpü kiutobo ching la.

²Sherübo Jirusalem ching lapü mulongkhitkheanü mihtsürübonü müngühjih.

³Harü ha Jirusalem ching lakhi lomi limberübo ah; tüshe alala Juda kiutobo ching nihbuh yamalo kheak arü kiutobo ching lakheah: Israelrü, amükeamrü, Levirü, arüngyam tankihrü tüsho Solomon yamlarü tsühsoniusobo.

⁴Tüsho Jirusalem ching Judarü tüsho Benjaminrü tsührübo khürü lakheah. Judarübo: Zekaria tsührü Uzzia tsührü Athaia, api jipürü püpürü Amaria, Shephatia, tüsho Juda tsührü Perez kheaknü atrükkhitkhi, Mahalalel.

⁵Kolhoze tsührü Baruk tsührü Maaseia, api jipürü püpürü Hazaia, Adaia, Joiarib, tüsho Juda tsührü Shela kheaknü atrükkhitkhi Zekaria.

⁶Perez kheaknü atrükkhitkhi athrungrü mihtsürü 468 Jirusalem ching lakheah.

⁷Benjaminrübo: Joed tsührü Meshullam tsührü Sallu, api jipürü püpürü Pedaia, Kolaia, Maaseia, Ithiel, tüsho Jeshaia,

⁸Sallu buhtsührü Gabbai tüsho Sallai, Benjaminrü alalanü Jirusalem ching 928 lakheah.

⁹Zikri tsührü Joel nü arü limberü thsü tüsho Hassenua tsührü Juda kiuto kurungkheak mahnepü azothsürü thsü.

¹⁰Amükeamrü: Joiarib tsührü Jedaia, tüsho Jakin.

¹¹Meshullam tsührü Hilkia tsührü Seraia, api jipürü püpürü Zadok, Meraioth, tüsho Ahitub ju Thrünpuh yam ching yakzanshuhrü lakheah.

¹²Alalanü 822 lakheah tüsho arü alalanü arüngyam ching tankih. Pelaia tsührü Jeroham tsührü Adaia, api jipürü Amzi, Zekaria, Pashhur, tüsho Malkhija.

¹³Ha guk chingnü arü 242 ju buhtsüh ching azothsürübo ah. Ahzai tsührü Azarel tsührü Amashai, api jipürübo Meshillemoth tüsho Immer.

¹⁴Ha guk chingnü 128 adungto bonungrü lakheah. Arü ju buhtsüh akuto chingnü, Haggedolim tsührü Zabdiel lakheah.

¹⁵Levirü: Azrikam tsührü Hasshub tsührü Shemaia, api jipürü Hashabia tüsho Bunni.

¹⁶Shabbethai le Jozabad ane Levirü lung adungto thsüde arüngyam aleanglim rhimorü thsü.

¹⁷Asaph kheaknü atrükkhitkhi, Zabdi tsührü Mika tsührü Mattania. Apinü arüngyam khün thsürü boto makshe-tamkhüntamnü khün thsükhi ching be. Mattania rungbuh ju Bakbukia. Jeduthun kheaknü atrükkhitkhi Galal tsührü Shammua tsührü Abda.

¹⁸Levirü alalanü 284 amüsüh Jirusalem kiuto ching la.

¹⁹Arüngyam aheangrü: Akkub, Talmon, tüsho arü buhtsührü, alalanü 172.

²⁰Aningkhi Israelrü, amükeamrü tüsho Levirü Juda kiutobo ching nihbuh lopung ching la.

²¹Tüshe arüngyam tankihrübo ju Ophel ching lakheah. Tüsho arü kurungkheak Ziha tüsho Gishpa anenü kheah.

²²Levirü rhuakheahrü Jirusalem ching labuh ju Hashabia tsührü Bani tsührü Uzzi. Api jipürü Mattania tüsho Mika, tüsho api mukhungmüdan khün ching mulong jihrü Asaph guk chingnü ah.

²³Judüki kiuthsü yukhüm ching lakhi yande guk aban chingnü nimung aban arüngyam ching akhinashu thsüde khün be.

²⁴Meshezabel tsührü Pethahia, Zera guk tüsho Juda trük, apinü Persia mahkhappung ching Israelrü thsung thsüde be.

²⁵Mihtsürü ahihkhüh arü lu phüni kiutobo ching la. Juda trükbo tüsho Kiriath-arba, Dibon Jekabzeel tüsho ju mühi kiulongbo ching la.

²⁶Tüsho arübo Jeshua, Molada, Beth-pelet,

²⁷Hazarshual, Beersheba tüsho ju mühi kiulongbo ching she la.

²⁸Arü Ziklag kiuto, Mekona tüsho kiulongbo,

²⁹Enrimmon, Zora, Jarmuth,

³⁰Zanoa, Adullam, tüsho ju mühi kiulongbo ching la. Arübo Lakish tüsho thulu phünide, Azeka tüsho ju mühi kiulongbo ching la. Junangde Judarü düjinglim Beersheba tüsho dukulim Hinnom dükhün ane dükeak ching la.

³¹Benjamin trük Gebar, Mikmash, Ai, Bethel tüsho ju mühi kiulongbo,

³²Anathoth, Nob, Anania,

³³Hazor, Rama, Gittaim,

³⁴Hadid, Zeboim, Neballat,

³⁵Lod tüsho keaklahrü dükhün Ono ching la.

³⁶Juda ching lakhi Levirü khürü Benjaminrü lung la.