Read Yimchungru Naga Job 21 Bible Online

Job 21 - Yimchungru Naga bible

Job 21

²Kümkangde I yubo aniang tüsho ha nüsa shukheamkhi thsüang.

³I lung arümang tüsho inü athabah; inü athashu luhmüneang.

⁴Inü atsangcho ha mihtsürü azhihkhi a de? Küde thsah inü arümkheampü?

⁵I kheak kheahang tüsho müyinsahang, tüsho nüsa khahnü nüsa mün damang.

⁶Küyimki inü ha dünkheak lümbanü, I müyinsahchoh tüsho I shih ajanchoh.

⁷Tümüde mihbukmuyuk ashin khiungde rhangdung lacho, tüsho wu tode kamcho?

⁸Arü tsührübo arü miki tsakamde lah, tüsho arü münü arü mük ki lah.

⁹Arü yambo atrekhi chingnü khümkhita lah, tüsho Thrünpuh tso arü kheak müla.

¹⁰Arü moshibo alala anunu zahchoh tüsho tsüdü lang adrejihchoh.

¹¹Arünü arü tsührübo mihnu boto nangde trikhia yüshihchoh, tüsho arü tsührübo tsünchoh.

¹²Arünü züpzüppü tüsho bingkhung chingnü khün thsüchoh, tüsho huhpung düsheak ching asühachihchoh.

¹³Arünü arü nimungbo kukzamkhi ching hoshihchoh, tüsho zukleangnü arü Ashe-lomi lim yüzahchoh.

¹⁴Arünü Thrünpuh ki thachoh, “Isa zangrü zojang! Isanü nü limrobo mükheahpü mükün.

¹⁵Isanü api tankihpü thsüde Wuto ju she a? Tüsho isanü api ki tamkhüntamnükhinü isa tümü alü ngücho?”

¹⁶Atsütsü arü kukzamkhi ju arü khah ching müla; tüshe mihbukmuyuk lümkhibo I kheaknü limshude lah.

¹⁷Mihbukmuyuk tsünpung küdükhüh ki lang yihmütcho? Küdükhüh ki lang arü kheak thsümütsü arücho? @POE TRY-3 = Küdükhüh ki lang Thrünpuhnü abukakhiukkhi ching thsünü ahiuhcho?

¹⁸Küdükhüh ki lang arü apung müngüh müneang ruk laba, tüsho tsüngpungtsüngpungnü zünde atsokhi hitsüt ruk laba?

¹⁹Nüsanü thachoh, “Apinü alakmihkhi api tsührü kilim zojihchoh.” Ju api ki jihloshang, junangde apinü ju mükheahbah.

²⁰Api thsümünimkhi api müknü ngüshang, tüsho api Wuto bukakhiukkhi yungshang.

²¹Api khinu khekhi banshu api dunglim apinü api tsührübo thsungkheak tümü kümpü la?

²²Khürünü achang kheak lakhi mahkhapbuh Thrünpuh ki mükheahmudu thsangyuba de?

²³Mihtsürü khülang amurochoki, zuzude tüsho tsüde alachoki shechoh,

²⁴api shahmo shih kihlah tüsho api ro khiuk mukung.

²⁵Khürü a me khühkhi ching shechoh. Küyimkishe atsü tsahkeamükheah.

²⁶Arü alala rukhüh lang asungthulung ching yapchoh, tüsho aribonü arü mithülamchoh.

²⁷O, inü nüsa lümkhibo, tüsho I amülim jihpü nüsa asahkhibo mükheahlah.

²⁸Tümüde nüsanü thachoh, “Atorü yam küching la? Mihbukmuyuk lapung khimyam küching la?”

²⁹Nüsanü limro ching tsahrü ki mükeo de, tüsho nüsanü arü mütsan thsükhi mümükheah de,

³⁰junangde thsümütsü nimung mihbukmuyuk wocho de, tüsho bukakhiuk nimung khümkhitcho de?

³¹Mihbukmuyuk thürührü she müla, tüsho arünü arhimokhi dün athrihlorü müla.

³²Küyimki api mibahpung lim hande ayübanü, api kiuyuk aheangrü zojihchoh.

³³Jindükhün lonü api ki niunglah; mihbüm abannü dunglim yanchoh, tüsho mükhebinbe api müngüh yüchoh.

³⁴Dale küde thsah tümü mülade akeangkeangnü nüsanü I shukheampü? Tümütüsho nüsanü alokhi akeangyu aninga lah.