Read Yimchungru Naga Job 23 Bible Online

Job 23 - Yimchungru Naga bible

Job 23

²Khihni she inü atsangpü ju akhüh ah; inü asheshe she api khah mülanglah.

³O, inü api ngüpung mükheahkhülaa, junangde inü api lapung she ayübah!

⁴I dünkheak inü api miki thabah, tüsho atsangachihkhinü I mün mishihbah.

⁵Apinü tümü I ki alobanü inü anikhitbah, tüsho apinü tümü I ki thabanü inü anikhitbah.

⁶Api wu ato ching apinü I azhihba de? Yung; tüshe apinü I ki anibah.

⁷Alungki mihtsürü khülangnü api ki mütsanmükhibah, tüsho I mahkhapkhinü I lünnü zuzu kambah.

⁸I mikhuh ching yüsho, api ju ching müla; yungsho adunglim peang inü api mükheahkhit;

⁹Huzulim api jikchoh tüsho inü api mükheahkhuk; inü tsülim anguhchoh tüshe inü api müngükhuk.

¹⁰Tüshe inü adükükhi limro apinü mükheahlah; küyimki apinü I rükakibanü I suna ruk akhiukbah.

¹¹I jingnü api jingdükübo ching jungkihlah; inü api limro ching yanchoh tüsho manguh.

¹²Inü api münnü tangzüngkhi chingnü müchamachih; nimung aban I tsühyungbe kheaknü alü thsüde api yubo inü thsakhama zolah.

¹³Tüshe api büthsülah tüsho shenü api müthrikhukpü? Apinü tümü künla, apinü rhimochoh.

¹⁴Tümüde apinü I thsungkheak tümü akhudünü apinü arhimobah; tüsho hadürü ahihdo api lüm ching lah.

¹⁵Jumonü api miki I tredo; küyimki inü lümakheahbanü I api trekhi ching lah.

¹⁶Thrünpuhnü I mulong keahkhishihdo; Wutobuhnü I müzündo;

¹⁷tüshe amiting akheahnü I miro hingdodo she amitingnü I müdükheakshih.