Read Yimchungru Naga Job 37 Bible Online

Job 37 - Yimchungru Naga bible

Job 37

¹Ha dünkheak she I mulong ajanchoh, tüsho ayappung kheaknü jukkihchoh.

²Aniang, api düsheak tsüngmukkhi tüsho amün chingnü ahukkhi aniang.

³Thüning alala bukkhüp apinü chinchobe yüshihchoh, tüsho ju alomi akheam khiungde yüshihchoh.

⁴Ju dunglim api düsheak arungchoh; apinü api wüntre-müretah düsheaknü mukchoh, tüsho api düsheak sochoki apinü chinchobe mutholo.

⁵Thrünpuhnü api düsheaknü mihmüyinsahbe mukchoh; isanü manikhitkhukpü thsüde apinü ato rhimochoh.

⁶Tümüde phürüm ki apinü thachoh, “Alo kheak keamang”; tüsho tsüng ki, “Sopunglipkhiuk thsüde bukkhiang”.

⁷Apinü mihbüm aban rhimo chingnü tukloshihchoh, junangde alalanü api rhimo mükheahbah.

⁸Judüki shiwühbonü arü yappung yüchoh tüsho arü yam ching lachoh.

⁹Düjinglimnü chinthrüm apung arüchoh tüsho dukulim apung yünmüzütkhi chingnü athsak arüchoh.

¹⁰Thrünpuh sheaknü thüwün jihchoh, tüsho ke atobo nahde khunungchoh.

¹¹Apinü shumuliunü amo akheah mishihchoh; amobo chingnü chinchobe phürapa yüshihchoh.

¹²Apinü akümkhi yande arünü mükamchoh, apinü arü ki thiyukhüm jihkhi rhimopü thsüde alomiküp alala ching müheanchoh.

¹³Thsülangpü thsungkheak yungsho api lo thsungkheak, yungsho mihmüthsüm thsungkheak, apinü ju arüshihchoh.

¹⁴Ha aniang, O Job; tukloang tüsho amüyinsahbe Thrünpuh rhimobo lümakheahang.

¹⁵Thrünpuh nü thiyukhüm jihkhi tüsho amo chingnü chinchobe phürapshihkhi nünü mükheahnah?

¹⁶Thüning kheak amo liukih-a kihkhi, shepü mükheahmudu khiukdahkhi amüyinsahbe lanü nünü mükheahnah?

¹⁷Yung, düjinglim pungnü alomi thsümünimchoki lang nü atakkhinü küpkhukbah.

¹⁸Nünü thüning thoshangpü tüsho ju aphezhingzhing yinchi ruk kamshihpü Thrünpuh rungkhukba de?

¹⁹Api ki tümü thabeanü isa ki thsangyuang; isa lüm mitingkhi hode athapü tümü müla.

²⁰Inü asukachihnelah de api ki thaba shi? Khürünü muyuabahshihpü lümkhea de?

²¹Kheakü, thüningbo ching yinde alachoki shenü ayin mükheahkhuk, @POE TRY-3 = küyimki apung yünba tüsho arü yünmüzüta bahcho.

²²Api ju dukulimnü atsüdak suna nangde arüchoh; Thrünpuh lung wüntre-müretah atrebe lah.

²³Wutobuh — isanü api müngükhuk; api a wu ching, mahkhapkhi ching khiukchimkhi thiyuro ching rünkhitlah. Apinü mujuno.

²⁴Jumonü mihtsürübonü api trechoh; nihbuh zangrü lümlung lah de alümrü apinü mükheyuk.