Read Yimchungru Naga M. Khün 136 Bible Online

M. Khün 136 - Yimchungru Naga bible

M. Khün 136

¹O, ATUNGPUH kilim makshe jihang, tümüde api tsülah! Tümüde api amüthsüm lünnü rünkhiungde lah.

²O, thrünpuhbo kurungkheak Thrünpuh kilim makshe jihang! Tümüde api amüthsüm lünnü rünkhiungde lah.

³O, atungrübo kurungkheak ATUNGPUH kilim makshe jihang! Tümüde api amüthsüm lünnü rünkhiungde lah:

⁴Amüyinsahbebo ato rhimobuh kilim, tümüde api amüthsüm lünnü rünkhiungde lah;

⁵lümlung hode thüningbo thsübuh kilim, tümüde api amüthsüm lünnü rünkhiungde lah;

⁶kebo kumung alomi kheanga zobuh kilim, tümüde api amüthsüm lünnü rünkhiungde lah;

⁷ayinbo ato thsübuh kilim, tümüde api amüthsüm lünnü rünkhiungde lah —

⁸animung yakzan shuhpü ani, tümüde api amüthsüm lünnü rünkhiungde lah;

⁹azhing ching yakzan shuhpü khinu tüsho chiningbo, tümüde api amüthsüm lünnü rünkhiungde lah.

¹⁰Ijip ching adüjirü shikbuh kilim, tümüde api amüthsüm lünnü rünkhiungde lah;

¹¹tüsho arü bolungnü Israel bekhit, tümüde api amüthsüm lünnü rünkhiungde lah;

¹²amürang khah tüsho chungkihkhi binnü, tümüde api amüthsüm lünnü rünkhiungde lah;

¹³Amürüm Keto mahne thsüde azüshihbuh kilim, tümüde api amüthsüm lünnü rünkhiungde lah;

¹⁴tüsho ju phulungnü Israel tsahhoshih, tümüde api amüthsüm lünnü rünkhiungde lah;

¹⁵tüshe Pharao tüsho api bonungrü Amürüm Keto ching jipa bah, tümüde api amüthsüm lünnü rünkhiungde lah;

¹⁶api mihtsürü sunglo hode abehobuh kilim, tümüde api amüthsüm lünnü rünkhiungde lah;

¹⁷kiulongthsürübo ato kinga lungshihbuh kilim, tümüde api amüthsüm lünnü rünkhiungde lah;

¹⁸tüsho mungkhung kiulongthsürübo laksahbuh kilim, tümüde api amüthsüm lünnü rünkhiungde lah —

¹⁹Amorrü kiulongthsüpuh Sihon, tümüde api amüthsüm lünnü rünkhiungde lah;

²⁰Bashan kiulongthsüpuh Og, tümüde api amüthsüm lünnü rünkhiungde lah —

²¹tüsho arü lomi yamrüplurüp thsüde jih, tümüde api amüthsüm lünnü rünkhiungde lah;

²²api yamlarü Israel kilim yamrüplurüp, tümüde api amüthsüm lünnü rünkhiungde lah.

²³Isa aliuh-a lachoki isa lümkhitbuh, tümüde api amüthsüm lünnü rünkhiungde lah;

²⁴tüsho isa riribo kheaknü isa khümkhit, tümüde api amüthsüm lünnü rünkhiungde lah;

²⁵shepünü rhangdung lakhi alala kilim tsühyungbe jihcho, tümüde api amüthsüm lünnü rünkhiungde lah.

²⁶O, yinmi Thrünpuh kilim makshe jihang! Tümüde api amüthsüm lünnü rünkhiungde lah.