Read Yimchungru Naga M. Khün 141 Bible Online

M. Khün 141 - Yimchungru Naga bible

M. Khün 141

¹ATUNGPUH , inü nü ki zhichoh; I kilim niokheamang! Inü nü ki zhichoki I düsheak anijang.

²Nü miki I tamkhüntamnü ju rhümthüneabe nangde, I khah shuhkihkhi ju arelim tamkhüntamnü nangde lashang.

³O ATUNGPUH , I mün ki aheangrü zojang; I münküpbo ripit ki akheahrü zojang.

⁴Amütsü rhimorünü mihbukmuyuk rhimokhi ching berungshihpü thsüde amütsü lim I mulong danguhshih; inü arü jimpung dütsühshih.

⁵Thiyuro-lungkirünü I shikshang; ha amuzhokhi labah. Tüsho apinü I thürühshang; ha atsüdak müdangke labah; I kunü ju düthsungloshih. Tümüde I tamkhüntamnü ju mihbukmuyuk azhihde judü lang lah.

⁶Arü mahkhaprübo lungrhün ki jipa bahdo, tüsho arünü I yubo sochoh, tümüde jurübo niunglah.

⁷Khürünü alo kiude tüsho kiuthünakkhi nangde isa robo kiuyuk mün ki hiumüzüta lah.

⁸Tüshe I mükbo nü kheak lah, O Atungpuh T HRÜNPU H ; nü kheak I tsoyukchoh; I düsheshih.

⁹Arünü I thsungkheak zokhi müthrim chingnü, tüsho amülim rhimorü zheang chingnü I kümang.

¹⁰I tsokhitchoki, mihbukmuyuk a arü keang ching keamshang.