Read Yimchungru Naga M. Khün 24 Bible Online

M. Khün 24 - Yimchungru Naga bible

M. Khün 24

¹Alomi tüsho ju ching lüpdükhi, alomiküp tüsho ju ching lakhi alala ATUNGPUH yo ah;

²tümüde apinü ju ketobo kheak khimkih, tüsho ayungbo kheak thsükih.

³Shepünü ATUNGPUH wung kheak wutuba? Tüsho shepünü api amüsüh dangpung ching zhipba?

⁴Shepü khahbo tüsho mulong amüsüh la, shepünü sangthsübo mükingaüncho tüsho akeangyu thiyuchihchim müthsücho.

⁵ATUNGPUH kilimnü api müngühmühi tüsho api akhümkhit, Thrünpuh kilimnü thiyuro-lungki leangkhibah.

⁶Hadürü ha api yimrü, Jakob Thrünpuh miki arürü lün ah.

⁷Nüsa kubo dukoang, O chipiripitbo! tüsho shuhkihang, O Jipü khimdopübo! junangde müretahkhi kiulongthsüpuh azahbah.

⁸Müretahkhi kiulongthsüpuh ju she a? ATUNGPUH , sühmüh tüsho wuto lakhi, ATUNGPUH , thirithsü ching wuto!

⁹Nüsa kubo dukoang, O chipiripitbo! tüsho shuhkihang, O jipü khimdopübo! junangde müretahkhi kiulongthsüpuh azahbah.

¹⁰Müretahkhi kiulongthsüpuh ju she a? Wuto ATUNGPUH ju müretahkhi kiulongthsüpuh.