Read Yimchungru Naga M. Khün 3 Bible Online

M. Khün 3 - Yimchungru Naga bible

M. Khün 3

¹O ATUNGPUH , I riri küdükhüh she la! Ahihkhühnü I azhihde wusuchoh;

²ahihkhühnü I dünkheak, Thrünpuhnü api murung de thachoh.

³Tüshe O ATUNGPUH , nü I tsungdojihrü, I müretah, tüsho ku dukoshihrü ah.

⁴Inü ATUNGPUH ki achangnü zhichoh, tüsho apinü api amüsüh wung kheaknü I ki alojihchoh.

⁵I atsunga yapchoh; I asürüchoh, tümüde ATUNGPUHNÜ I kümdolah.

⁶I azhihde mükamdoa larü mihtsürü chithürübo inü mütre.

⁷Asürang, O ATUNGPUH ! I khümkhitang, O I Thrünpuh! I riribo alala arü ngoro kheak shikang; mihbukmuyuk hü thsümünimjang.

⁸Akhümkhit ju ATUNGPUH yo ah; nü müngühmühi nü mihtsürübo kheak lah.