Read Yimchungru Naga M. Khün 4 Bible Online

M. Khün 4 - Yimchungru Naga bible

M. Khün 4

¹Küyimki inü ajibanü I ki alojang, O I alim Thrünpuh! I lümthsünü ching lachoki nünü I shukheamjih; I ki amüthsüm laang, tüsho I tamkhüntamnü sojang.

²O nüsa mihtsürü tsührübo, külokhüh nüsanü I müretahkhi achihbe kamshihba? Külokhüh nüsanü amo-mülakhi muzhoba tüsho akeangyu yimba?

³Tüshe amüsührü a ATUNGPUHNÜ api thsungkheak shuhmuwuh-a zolah de mükheahang; inü api jichoki ATUNGPUHNÜ sochoh.

⁴Nü bukakhiukkhi ching neak düyihbeak; nü yapkiu kheak nü mulong ching lümakheahang tüsho zhikde laang.

⁵Thiyuro lungkinü laksah-a kingaünkhi jihang, tüsho ATUNGPUH kheak akin laang.

⁶Ahihkhühnü thachoh, “Shenü isa ki atsü huhba?” ATUNGPUH , nü miro ayin isa kheak tahshang.

⁷Nünü I mulong ching asühpü jihkhi ju arü hi tüsho yukhu suhde alachoki kheaknü alübe ah.

⁸I mungtsü ching atsunga yapbah tüsho ayapshebah; tümüde O ATUNGPUH nü hode lang I akhümkhitkhi ching lah.