Read Yimchungru Naga M. Khün 48 Bible Online

M. Khün 48 - Yimchungru Naga bible

M. Khün 48

¹ATUNGPUH ju ato ah, tüsho isa Thrünpuh kiuto, api amüsüh wung kheak tode ashijihpü lah.

²Thrünpuh wung Zion ju achang tüsho akheahakhamlah; ato kiulongthsüpuh kiutonü alomi alala ching asühpü hande arüchoh.

³Kiuto chipibo khüp kurampung lah de Thrünpuhnü huhchoh.

⁴Kheahang, kiulongthsürübo mukhunga lah, arü rukhühnü hode arüdo.

⁵Arünü ju ngü, tüsho arü müyinnim; arübo trede tsoabah.

⁶Ju ching arü azoberü thsünükhi nangde atrekhinü tholo,

⁷aniakhiuklim pungnü nünü Tarshish sangkung thsümünimchoki nangde alakheah.

⁸Thrünpuhnü tümü rhimokheanü isanü sodo, tüsho Wuto ATUNGPUH isa Thrünpuh kiuto ching isanü ju ngüdo; apinü lünnü kiuto kümde alabah.

⁹O Thrünpuh, nü arüngyam ching isanü nü muzho dünkheak lümakheahchoh.

¹⁰O Thrünpuh, nü mung yande, nü shikhi alomi akheam khiunglah; nü khah tsülim thiyuro-lungkinü milah.

¹¹Nü mahkhapkhi dünkheaknü, Zion Müzüng asühachihshang, Juda tsührübebo asühshang.

¹²Zion mükamde tsahang, anihbe aheangsadambo kheakheahang,

¹³rhübo mütsanmükhiang tüsho chipibo kheahyukang, junangde nüsanü arübe lün ki thabah:

¹⁴“Ha Thrünpuh, lünnü lün isa Thrünpuh ah; apinü akheam khiungde isa bebah.”