Read Yimchungru Naga M. Khün 52 Bible Online

M. Khün 52 - Yimchungru Naga bible

M. Khün 52

¹O wuto mihtsürü, tümüde amütsü thsungkheak nü kükheangcho? Thrünpuh tsükhi lünnü lah.

²Nü mulonü athsümünim asahchoh, kuyüliuh ayuk nangde mülapyukde rhimochoh.

³Nünü atsü kheaknü alü amütsü, tüsho thiyuro-lungki asukpü kheaknü alü akeangyu thapü muzholah.

⁴Nünü ayuribe yu alala muzholah, O nü mülapmüji mulo!

⁵Junangde Thrünpuhnü lünnü nü thsümünimbah; apinü nü lude atsobah, tüsho nü lapung chingnü nü yihkhitbah, tüsho rhangdung lakhi lomi chingnü nü rukkhitbah.

⁶Thiyuro-lungkirünü she angübah tüsho atrebah, tüsho api ki münejihde athabah,

⁷“Thrünpuh ju nihbuh sühmüh müthsükhi mihtsürü ha ching lah, tüshe api lakhit suhdahkhi ching kin, tüsho api mihbukmuyuk ching düküngde kam.”

⁸Tüshe I a Thrünpuh yam ching oliv sangdung phüyak nangde lah; inü Thrünpuh mihmüthsüm ching lünnü lün kinchoh.

⁹Inü lünnü nü shijihbah, tümütüsho nünü ha rhimodo; tüsho nü yo amüsührübo miki inü nü tsülah de azhiyukbah.