Read Yimchungru Naga M. Khün 60 Bible Online

M. Khün 60 - Yimchungru Naga bible

M. Khün 60

¹O Thrünpuh, nünü isa bahyukdo, tüsho isa keamshihdo; nü bukakhiukdo; O, isa laloshang.

²Nünü alo züngshihdo, nünü züngrüpshihdo; athsümünimkhi thsülojang, tümüde ha niukchoh.

³Nünü nü mihtsürü ki achak kukrukbo huh; nünü isa yukhu yunga yingyingshih.

⁴Nünü nü trerü kilim riphin jih, junangde athsümünimpü chingnü arü tsokhipü lakheah.

⁵Junangde nünü muzhorü bekhitbah, nü khah tsülimnü khümkhitbah, tüsho I ki anijihbah.

⁶Thrünpuhnü api arüngakopungnü tha, “Inü asühbah; inü Shekem chamnakbah tüsho Sukkoth jindükhün akebah.

⁷Gilead I yo, Manase I yo; Ephraim I kuthran; Juda I tso.

⁸Moab I müsühmüra-phuru; Edom kheak I jingkhümpü bahchoh; Filistia kurungkheak inü akuk ngüde ahochoh.”

⁹Shenü I chipi ayünkhi kiuto ching bede ayüba? Shenü I Edom lim bede ayüba?

¹⁰O Thrünpuh, nünü isa bahyukkhi yung de? O Thrünpuh nü isa bonungrü lung müyü.

¹¹Thiriri azhihde isa ki arung mülüjang, tümüde mihtsürü arung ju akeangkeang.

¹²Thrünpuh lung isanü müzhakde arhimobah; apinü isa riribo kukbah.