Read Yimchungru Naga M. Khün 62 Bible Online

M. Khün 62 - Yimchungru Naga bible

M. Khün 62

¹I menü arümde Thrünpuh aleangchoh; I akhümkhit api kilimnü arüchoh.

²Api lang I lungto tüsho I akhümkhit; api I chipi, küyimkishe I matrüt.

³Nüsa alalanü shahwün keamkhi kheaknü alü sühmüh mülakhi mihtsürü külokhüh müshamba?

⁴Nüsanü api achang chingnü abekhipü lang mulonglah; nüsanü akeangyu thapü ching reangkeamchoh. Nüsanü müngühmühi yubo asukchoh, tüshe nüsa mulong ching a api athruchoh.

⁵I menü Thrünpuh thsungkheak lang zhikde aleangchoh, tümüde I mükkin ju api kilimnü lah.

⁶Api lang I lungto tüsho I akhümkhit; api I chipi, I matrüt.

⁷Thrünpuh kheak I akhümkhit tüsho I müretah lah; I sühmüh lungto, tüsho I tsoyukpung Thrünpuh kheak lah.

⁸Kim alala ching api kheak kinang, nüsa mihtsürübo; nüsa küpkhuk alala api ki thaang; Thrünpuh ju isa thsungkheak tsoyukpung.

⁹Abobe mihtsürü ju sheak khülang ah, achangbe mihtsürü ju keangtha ah; arübo wuhzhin kheak adünsho, arü rukhüh sheak kheaknü ahiphipbe labah.

¹⁰Junokhi ching akin düla, yungsho jangkhijangra ching akeangkeang mulong dülam; alarübo rünkihsho arü kheak nü mulong düzo.

¹¹Thrünpuhnü khülang ki asukdo, ha inü mahne ki sodo: Wu ju Thrünpuh yo ah.

¹²O ATUNGPUH , mihmüthsüm she nü yo; tümüde nünü mihbüm aban nihbuh rhimo yande thsambah jihchoh.